وڭتۇستىك قازاقستان وبلىسىندا جالپى وڭىرلىك ءونىمنىڭ ءوسىمى الدىن الا مالىمەت بويىنشا وتكەن جىلى 102 پايىزدى نەمەسە 3 ترلنتەڭگەنى قۇرادى. بۇل كورسەتكىش 2016 جىلى 2,8 ترلن تەڭگە كولەمىندە بولعان، دەپ حابارلايدى وبلىس اكىمدىگىنىڭ ءباسپاسوز قىزمەتى.

وڭتۇستىك قازاقستان وبلىسى ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى ارمان ءسابيتوۆ مالىمەتىنشە، وبلىس حالقىنىڭ جان باسىنا شاققانداعى جالپى وڭىرلىك ءونىم كورسەتكىشى وتكەن جىلى 989 مىڭ تەڭگەگە جەتكەن.

سونداي-اق، جاھاندىق ەكونوميكاداعى كۇردەلى جاعدايلارعا قاراماستان 2017 جىلدىڭ قورىتىندىسىمەن وبلىستىڭ نەگىزگى الەۋمەتتىك-ەكونوميكالىق كورسەتكىشتەرىنىڭ ءوسىمى ورىن العان.

بيۋدجەت كولەمىندە الەۋمەتتىك سالاعا باعىتتالعان شىعىستار 2017 جىلى 81,2 ملرد تەڭگەگە ءوسىپ، 384,2 ملرد. تەڭگەگە جەتكەن. بيۋدجەت شىعىستارىنىڭ باسىم بولىگى مەملەكەتتىك الەۋمەتتىك مىندەتتەمەلەردى تولىق كولەمىندە ورىنداۋعا باعىتتالعان. مىسالى 48 پايىزى، ياعني 231,4 ملرد تەڭگە 2 522 مەكەمەنى كۇتىپ-ۇستاۋعا، 44 پايىزى ەڭبەكاقىعا جانە 8 پايىزى كۇردەلى جوندەۋ مەن ماتەريالدىق-تەحنيكالىق نىعايتۋ شىعىندارىنا جۇمسالعان.

“The Qazaq Times”