ترامپ نازارباەۆپەن كەزدەسۋىندە اق ۇيدەن CNN ءجۋرناليسىن قۋىپ جىبەردى

اقش پرەزيدەنتى دونالد ترامپ نۇرسۇلتان نازارباەۆپەن كەزدەسۋىندە CNN تەلەارناسىنىڭ ءجۋرناليسىن اق ۇيدەن قۋىپ جىبەردى.

New York Post باسىلىمىنىڭ مالىمەتىنشە، دجيم اكوست ەسىمدى CNN ءتىلشىسى دونالد ترامپقا «ءسىز ميگرانتتاردىڭ كەلۋىنە قالاي قارايسىز؟» - دەگەن سۇراق قويعان. ءجۋرناليستىڭ بۇل سۇراعىنا ترامپ: «مەن ولاردىڭ الەمنىڭ ءار جەرىنەن كەلگەنىن قالايمىن» - دەپ جاۋاپ بەرگەن. بىراق وسىدان كەيىن CNN ءتىلشىسىنىڭ كەلەسى سۇراعىن تىڭداماستان دونالد ترامپ وعان «بۇل جەردەن كەت» دەگەن.

كەيىننەن دجيم اكوست ءوزىنىڭ تۆيتتەر پاراقشاسىندا: «ولار ماعان سۇراق قويۋعا مۇمكىندىك بەرگەن جوق. بۇعان دەيىن مەنىڭ باسىمنان بۇنداي وقيعا وتكەن ەمەس» - دەپ جازعان. ال اق ءۇي اكىمشىلىگى اتالمىش جاعدايعا بايلانىستى ەشقانداي تۇسىنىكتەمە بەرمەگەن.

“The Qazaq Times”