فوتو: Getty Images

جاپونيانىڭ سىرتقى ىستەر ءمينيسترى تارو كانو سولتۇستىك كورەيانىڭ جىلى قاباق تانىتىپ، وڭتۇستىك كورەيامەن ۇزىلگەن كەلىسسوزدەرىن قايتا باستاۋعا بەل بۋعانىنان كۇدىكتەنەدى. ونىڭ پىكىرىنشە، پحەنيان وسىلاي  ءوزىنىڭ يادرولىق قارۋ باعدارلاماسىن دامىتۋدى جالعاستىرۋ ءۇشىن ۋاقىت ۇتقىسى كەلەدى. ۆانكۋۆەردە وتكەن باسقوسۋدا 20 مەملەكەتتىڭ سىرتقى ىستەر مينيسترلەرى كورەي جارتى تۇبەگىندەگى ماسەلەنى تالقىلاپ، پحەنيانعا جاسالاتىن قىسىمدى بىرلەسىپ كۇشەيتۋگە ۋاعدالاستى. بۇل تۋرالى ۆۆس اقپاراتتىق اگەنتتىگى جازدى. 

سولتۇستىك كورەيا 28 قاراشا كۇنى كەزەكتى يادرولىق قارۋ سىناماسىن وتكىزگەننەن كەيىن، مۇناي سەكتورىنان شەت مەملەكەتتە جۇمىس ىستەيتىن ەڭبەك رەسۋرستارىنا دەيىن بۇۇ قابىلداعان سانكتسيالارعا ىلىكتى. جاڭا جىل قارساڭىندا سولتۇستىك كورەيانىڭ باسشىسى كيم جوڭ ۋڭ ءوزىنىڭ كەلىسسوزدەرگە اشىق ەكەنىن جانە پحەنچحاندا وتەتىن قىسقى وليمپيادا ويىندارىنا سپورتشىلارىن جىبەرۋگە نيەت ءبىلدىردى.

جاپونيانىڭ سىرتقى ىستەر ءمينيسترى سولتۇستىك كورەيانىڭ بىردەن "جۇمساق مىنەز" تانىتا قالعانىنا كۇدىكپەن قارايتىنىن جەتكىزدى. ول: "كەيبىر ادامدار سولتۇستىك كورەيانىڭ كەلىسسوزدەر جۇرگىزۋگە جاساعان قادامدارى ءۇشىن سانكتسيالاردىڭ بىرقاتارىن جەڭىلدەتۋ كەرەك دەگەن باستاما كوتەرىپ جۇرگەنىنەن حابارىم بار. مەنىڭ ويىمشا، بۇل سولتۇستىك كورەيانىڭ ۋاقىت ۇتۋعا جاساعان امالى" - دەدى.

ۆانكۋۆەردە وتكەن كەزدەسۋدى اقش پەن كانادا ۇيىمداستىردى جانە 20 مەملەكەتتىڭ اراسىندا قىتاي مەن رەسەي بولعان جوق. اقش-تىڭ تاراپىنان سولتۇستىك كورەياعا قاجەتتى قىسىم شارالارىن جۇزەگە اسىرماي وتىر دەگەن ايىپ تاعىلعان قوس مەملەكەت جيىنعا شاقىرىلمادى. قىتايدىڭ سىرتقى ىستەر مينيسترلىگىنىڭ ءباسپاسوز حاتشىسى ليۋ كانگ: "بۇل كەزدەسۋگە كورەي جارتى تۇبەگىنەن ەشكىم قاتىسپادى. سوندىقتان كەزدەسۋدى زاڭدى دەپ ەسەپتەمەيمىز" - دەپ مالىمدەدى.

“The Qazaq Times”