قازاقستان حالقىنىڭ سانى 2017 جىلدىڭ 1 جەلتوقسانىندا جاسالعان ستاتيستيكالىق مالىمەتتەر بويىنشا، 18, 32 ميلليون ادامعا جەتتى.

ۇلتتىق ەكونوميكا مينيسترلىگى ءباسپاسوز قىزمەتىنىڭ مالىمەتىنشە، 2017 جىلى ەل حالقىنىڭ سانى 18 ميلليون 137,3 مىڭ ادامعا جەتكەن. ونىڭ 57,4 پايىزى (10 ميلليون 413,2 مىڭى) قالادا، 42,6 پايىزى (7 ميلليون 724,1 مىڭى) اۋىلدى جەردە تۇرادى. 2016 جىلمەن سالىستىرعاندا 2017 جىلى قازاقستان حالقىنىڭ سانى 231,3 مىڭ ادامعا (1,3%) وسكەن.

2017 جىلدىڭ قاڭتار-قاراشا ايلارى ارالىعاندا ەل بويىنشا جاسقا تولماعان 2896 ءسابي شەتىنەگەن. وتكەن جىلمەن سالىستىرعاندا بۇل كورسەتكىش 10,9 پايىزعا ازايعان. نارەستەلەر ءولىمىنىڭ كورسەتكىشى 1000 سابيگە شاققاندا 8,05% بولعان.

كوشى-قون ورگاندارىنىڭ مالىمەتى بويىنشا، 2017 جىلى ەلگە كەلگەن ميگرانتتار سانى 2016 جىلمەن سالىستىرعاندا 21,2 پايىزعا ءوسىپ، 14 مىڭ 528 ادامدى قۇراعان. ال قازاقستاننان كەتكەن ميگرانتتار سانى 30 مىڭ 138 ادامدى قۇراعان.

“The Qazaq Times”