اقش سولتۇستىك كورەيانىڭ بۇكىل الەمگە يادرولىق قارۋ قاۋپىن توندىرۋىنە قارسى كۇرەستە قازاقستانمەن كۇش بىرىكتىرەدى. بۇل تۋرالى قازاقستان رەسپۋبليكاسىنىڭ پرەزيدەنتى ن.ءا.نازارباەۆتىڭ اق ۇيگە ساپارى بارىسىندا بەلگىلى بولدى. قازاقستان پرەزيدەنتى اقش-پەن ديپلوماتيالىق قارىم-قاتىناسى جوق سولتۇستىك كورەيا مەن امەريكانىڭ اراسىندا مەدياتور قىزمەتىن اتقارۋعا نيەت ءبىلدىردى. بۇل تۋرالى Associated Press جازدى. 

قازاقستان پرەزيدەنتى اقش-تىڭ مەملەكەت باسشىسىن ءوز لاۋازىمىنداعى العاشقى جىلىن ءساتتى اياقتاۋىمەن قۇتتىقتادى. امەريكادا سوڭعى ورىن العان سالىقتىق رەفورماعا قولداۋ ءبىلدىرىپ، بۇل جۇيەنىڭ ءوز ەلىندە بەس جىل بۇرىن ەنگىزىلگەنىن اتاپ وتكەن ن.ءا.نازارباەۆ يادرولىق قارۋدان ءوز ەركىمەن باس تارتقان قازاقستاننىڭ تاجىريبەسىن تاعى دا قايتالاپ ءوتتى. دونالد ترامپ قازاقستاندى كەڭەس وداعىنىڭ ماڭىزدى بولىگى رەتىندە كورەي جارتى تۇبەگىن يادرولىق قارۋدان تازارتۋدا ماڭىزدى ارىپتەس كورەتىنىن حابارلادى.

نۇرسۇلتان نازارباەۆ قازاقستاننىڭ يادرولىق قارۋ قولدانىسىن دامىتۋدى كوزدەگەن كەز كەلگەن مەملەكەتپەن كەلىسسوزدەر جۇرگىزۋگە مورالدى قۇقىعى بار ەكەنىن ايتتى. "وسى سەبەپتەن ءبىز يران يادرولىق كەلىسىمىنە كوڭىل بولدىك. سوندىقتان دا ءبىز سولتۇستىك كورەيا ماسەلەسىن تالقىلاۋعا قاتىسامىز" - دەدى ول.

“The Qazaq Times”