حالىقارالىق وليمپيادا كوميتەتىنىڭ اقپاراتتىق قىزمەتىنىڭ حابارىنا قاراعاندا،  رەسەيلىك سپورتشىلار وڭتۇستىك كورەيادا وتەتىن قىسقى وليمپياداعا قاتىسۋ ءۇشىن كەڭەس وداعىنىڭ تۋىن پايدالانۋدى حوك-نى ارنايى كوميتەتىنە ۇسىنىس ەتكەن. بۇل تۋرالى «شينلاڭ» اقپاراتتىق سايتى حابارلادى.

2017 جىلى 5 جەلتوقسان كۇنى حوك شەشىم شىعارىپ، رەسەيدىڭ 2018 جىلعى پيوڭچاڭ  قىسقى وليمپيادا ويىندارىنا قاتىسۋ تولىمدىلىعىن الىپ تاستاعان بولاتىن. دەگەنمەن، دوپينگ قولدانباعانى انىقتالعان رەسەيلىك سپورتشىلارعا جەكەلەي نەمەسە توپتىق تۇردە قاتىسۋىنا بولاتىنى ايتىلعان. تەك، رەسەي تۋى مەن ءان ۇرانىن قولدانباۋدى شارت ەتكەن. وسىعان بايلانىستى رەسەيدەگى الەۋمەتتىك جەلى تۇتىنۋشىلارى پيوڭچاڭ قىسقى وليمپياداسىنا قاتىسۋ ءۇشىن كەڭەس وداعىنىڭ تۋى مەن ءانۇرانىن قولدانۋدى كوبىرەك ورتاعا قويدى. ءتىپتى، بۇل ۇسىنىستى حوك-گە ۇسىنىس ەتكەن.

حالىقارالىق وليمپيادا كوميتەتىنىڭ اقپاراتتىق قىزمەتى جاساعان مالىمەتكە قاراعاندا، رەسەي سپورتشىلارى ءىسى جونىندەگى ارنايى توپ بۇل ۇسىنىستاردى جان-جاقتى قاراپ زەرتتەگەننەن كەيىن عانا شەشىم شىعاراتىنىن ايتتى.

“The Qazaq Times”