تۇركيا پرەزيدەنتى رەجەپ تايىپ ەردوعان.

تۇركيا باسشىسى رەجەپ تايىپ ەردوعان اقش-تىڭ ءسۇريا شەكاراسىن قورعاۋعا قۇرىلعان اسكەري كواليتسياسىنىڭ كوزىن جويماق.

بۇل جايىندا تۇركيا پرەزيدەنتى رەجەپ تايىپ ەردوعان جۋرناليستەر الدىندا سويلەگەن سوزىندە مالىمدەگەن. ول وندا: «اقش-تىڭ ءسۇريانىڭ سولتۇستىگىندە كۇردتەرمەن بىرىگىپ اسكەري كواليتسيا قۇرۋى تۇركيانىڭ تۇراقتىلىعىنا قاۋىپ توندىرەدى. ءبىزدىڭ ماقساتىمىز - اتالمىش اسكەري كواليتسيانىڭ كوزىن جويۋ. ەگەر اقش-تىڭ جابايىلارمەن بايلانىس ورناتقىسى كەلسە، ول ولاردىڭ جۇمىسى. بىراق ءبىز ولارعا اسكەري كواليتسيا قۇرۋعا جول بەرمەيمىز» - دەگەن.

ەستەرىڭىزگە سالايىق، بۇعان دەيىن اقش ءسۇريا اۋماعىندا ءوزىنىڭ وداقتاستارىمەن بىرىگىپ شەكارا قاۋىپسىزدىگى كۇشتەرىن قۇراتىنىن مالىمدەگەن. اقش باستاعان اسكەري كواليتسيانىڭ بازاسى يراك پەن تۇركيا شەكاراسى ماڭىندا جانە ەفرات وزەنىنىڭ بويىندا ورنالاساتىن بولادى دەپ جوسپارلانۋدا. جاڭادان جاساقتالاتىن كواليتسيانىڭ قۇرامىندا 30 مىڭعا جۋىق سارباز بولادى دەپ كۇتىلۋدە.

“The Qazaq Times”