قازاقستاندا 2017 جىلدىڭ جەلتوقسانىندا جۇمىسسىزدار سانى 441,8 مىڭ ادام بولدى. وسىلايشا جۇمىسسىزدار دەڭگەيى 5%-دى قۇرادى، دەپ حابارلادى LS.

جۇمىسپەن قامتۋ ورىندارىندا جۇمىسسىز رەتىندە تىركەلگەن تۇلعالار سانى جەلتوقسان ايىنىڭ سوڭىندا 70,3 مىڭ ادام بولعان نەمەسە جۇمىس كۇشىندەگى ادامداردىڭ 0,8%-ىن قۇرايدى.

بۇدان بولەك، مەملەكەتتە جان باسىنا شاققاندا اتاۋلى اقشالاي كىرىس قاراشا ايىندا 81 مىڭ تەڭگەنى قۇراعان جانە بۇل ءبىر جىل بۇرىنعى قاراشا ايىنىڭ كورسەتكىشىمەن سالىستىرعاندا 1,5%-عا تومەن. ال ناقتى اقشالاي كىرىس ءدال سول كەزەڭدە 8,2%-عا ازايعان.

ال ورتاشا اتاۋلى ايلىق جالاقىعا كەلەر بولساق، ءبىر جۇمىسشىنىڭ ەڭبەكاقىسى 2017 جىلدىڭ جەلتوقسانىندا 168,2 مىڭ تەڭگەنى قۇراعان.

ايتا كەتەيىك، 10 قاڭتار كۇنى جاريالانعان پرەزيدەنت جولداۋىندا "كەدەيشىلىك 13 ەسە قىسقارىپ، جۇمىسسىزدىق دەڭگەيى 4,9 پروتسەنتكە دەيىن تومەندەدى" دەپ كورسەتىلگەن.

“The Qazaq Times”