وڭتۇستىك پەن سولتۇستىك كورەيا اراسىنداعى كەلىسسوز اياقتالدى

سولتۇستىك كورەيانىڭ سپورتشىلارى كەلەسى ايدا وڭتۇستىك كورەيانىڭ پحەنچحان قالاسىندا وتەتىن قىسقى وليمپيادا ويىندارىنا قاتىسا الادى. مۇنداي كەلىسىمگە ەكى اراسىندا بولعان كەلىسسوز كەزىندە قول جەتكىزىلدى، دەپ حابارلايدى  Reuters.

سونداي-اق، سەۋل تاراپى سولتۇستىك سپورتشىلاردىڭ قىسقى وليمپياداعا كەلۋىن جەڭىلدەتۋ ءۇشىن كەيبىر سانكتسيالاردى توقتاتۋعا ۋادە بەرگەن. پيوڭياڭ ءوز كەزەگىندە ويىنعا كەلەتىن دەلەگاتسيا قۇرامىندا سپورتشىلار، جوعارى لاۋازىمدى شەنەۋنىكتەر جانە قولداۋ توبى بولاتىنىن حابارلادى.

الايدا، رەسمي سەۋل سولتۇستىك كورەيانىڭ ۇشىرعان باليستيكالىق زىمىراندارىنا قارسى جاۋاپ رەتىندە پيوڭياڭنىڭ كەيبىر رەسمي تۇلعالارىنىڭ وڭتۇستىك كورەياعا كىرۋىنە تىيىم سالدى. بۇدان بولەك، سەۋل وليمپيادانىڭ اشىلۋى كەزىندە بارلىق كورەيالىق سپورتشىلاردى بىرىگۋگە شاقىردى.

ايتا كەتەيىك، بۇگىن وڭتۇستىك كورەيانىڭ بىرلەستىك ءمينيسترى چو مەن گۋن مەن سولتۇستىك كورەيانىڭ الەمدىك بىرلەستىك كوميتەتىنىڭ توراعاسى لي سوڭ گۋون باستاعان قوس دەلەگاتسيا كەلىسسوز وتكىزۋ ءۇشىن ەكى ەلدىڭ شەكارا ماڭىندا ورنالاسقان پحانمۋندجوم ەلدى مەكەنىندە كەزدەسكەن ەدى.

“The Qazaq Times”