قازاقستان كەڭ جولاقتى ينتەرنەت جىلدامدىعى جونىندەگى جاھاندىق يندەكستە ەكى ساتىعا تومەندەپ 54 ورىنعا تۇراقتادى.

Speedtest Global Index-تە ۇسىنىلعان مالىمەتتەر بويىنشا 2017 جىلدىڭ جەلتوقسانىندا قازاقستاندىق بايلانىستىڭ ورتاشا جىلدامدىعى 25,96 مبيت/س بولعان جانە 41 ورىندا تۇرعان رەسەي كورسەكتىشىنەن 11,45 مبيت/س-قا تومەن بولىپ تۇر. بەلارۋس تا  28,78 مبيت/س  جىلدامدىقپەن قازاقستاننان 3 ساتىعا جوعارى (5 1 ورىن) تۇر. ارمەنياداعى ينتەرنەت جىلدامدىعى - 19,68 مبيت/س (69 ورىن), قىرعىزستان 14,01 مبيت/س جىلدامدىقپەن 91 ورىندا.

دەگەنمەن قازاقستان ءموبيلدى ينتەرنەت جىلدامدىعى بويىنشا  (18,9 مبيت/س) 64 ورىنعا تۇراقتاپ، رەسەيدىڭ الدىندا (16,65 مبيت/س-پەن 74 ورىندا) تۇر. قىرعىزستان 98 ورىندا  (11,76 مبيت/س), بەلارۋس 95 ورىندا. ال ارمەنيا 23,82 مبيت/س جىلدامدىقپەن ەاەو ەلدەرى اراسىندا ءبىرىنشى بولسا، جالپى كورسەتكىشتە 52 ورىنعا يە.

كەڭ جولاقتى ينتەرنەت رەيتينگىندە ەڭ ءبىرىنشى ورىندا تۇرعان ەل - سينگاپۋر. بۇل ەلدەگى جىلدامدىق سەكۋندىنا 161,21 مبيت-ءتى قۇرايدى. ال ءموبيلدى ينتەرنەت جىلدامدىعى بويىنشا 61,2 مبيت/س كورسەتكىشپەن نورۆەگيا ءبىرىنشى ورىندا.

“The Qazaq Times”