«قازاتومونەركاسىپ» كومپانياسى الەمدىك دەرجاۆالاردىڭ رۇقسات بەرمەۋىنە بايلانىستى يرانعا ۋران تاسىمالداي الماي وتىر.  

ۇلىبريتانيالىق "News Europe" اقپارات اگەنتتىگىنىڭ مالىمەتىنشە، «قازاتومونەركاسىپ» كومپانياسى يرانعا ۋران ونىمدەرىن تاسىمالداۋ ءۇشىن تەگەران كەلىسىمىنە مۇشە ۇلىبريتانيا، قىتاي، رەسەي، اقش، فرانتسيا جانە گەرمانيا ەلدەرىنىڭ كەلىسىمىن الۋى ءتيىس. بىراق ازىرگە تەگەران كەلىسىمىنە مۇشە التى مەملەكەتتىڭ التاۋىدا "قازاتومونەركاسىپكە" رۇقسات بەرمەگەن.

يراننىڭ "Financial Tribune" سايتىنىڭ حابارلاۋىنشا، «قازاتومونەركاسىپ» كومپانياسى يرانعا ۋران ونىمدەرىن تاسىمالداۋعا بايلانىستى كەلىسىم شارتتى وزگەرتكەن. وزگەرتىلگەن كەلىسىم شارت بويىنشا، قازاقستان تاراپى جوعارىدا اتالعان 6 مەملەكەتتىڭ كەلىسىمىمەن 2018 جىلدان 2020 جىلعا دەيىنگى ارالىقتا يرانعا ۋران ونىمدەرىن تاسىمالدايتىن بولادى.

قازاقستان يرانعا 950 توننا ۋران ونىمدەرىن تاسىمالداۋعا بايلانىستى كەلىسىم شارتقا 2016 جىلدىڭ ءساۋىر ايىندا قول قويعان. كەلىسىم بويىنشا، "قازاتومونەركاسىپ" كومپانياسى يرانعا ۋران ونىمدەرىن 2017  جىلى تاسىمالداۋى ءتيىس بولعان.

“The Qazaq Times”