«ءال-جازيرا» ارناسىنىڭ حابارىنا قاراعاندا، ساۋد ارابياسى كاتارمەن قۇرلىقتاعى شەكارا بەكەتىن جاۋىپ تاستاعان. اتالعان ارنا ساۋد ارابياسىنىڭ ۇكىمەتى جاريالاعان رەسمي مالىمەتكە سىلتەمە جاساي وتىرىپ، قارجى مينيسترلىگىنە قاراستى شەكارا ديرەكتسياسى سەلۆا شەكارا قاقپاسىن ءبىر جولاتا جاپقانىن ايتقان.

كاتار داعدارىسى باستالعان 5 ماۋسىم كۇنى ساۋد ارابياسى اتالعان شەكارا قاقپاسىن جاۋىپ تاستاعان بولاتىن. الايدا، قاجىعا باراتىن كاتارلىقتار ءۇشىن تامىز ايىندا ۋاقىتشا اشقان ەدى. ودان بەرى سەلۆا شەكارا بەكەتى تەك گۋمانيتارلىق جاعدايلارعا عانا پايدالانىلىپ كەلگەن.

ساۋد ارابياسى جاريالاعان رەسمي مالىمەتتە شەكارا قاقپاسىنىڭ بەكىتىلەتىنى، تاۋار تاسىمالى مەن ادامداردىڭ وتۋىنە شەكتەۋ قويعانىن ايتقان. سەلۆا شەكاراسى كاتار مەن ساۋد جۇرتىنىڭ قۇرلىقتاعى بىردەن ءبىر شەكارا بەكەتى.

“The Qazaq Times”