جاپونيا عالىمدارى سىنعان جاعدايدا وزدىگىنەن قالپىنا كەلەتىن اينەك ويلاپ تاپتى NHK تەلەارناسى.

توكيو ۋنيۆەرسيتەتى عالىمدارىنىڭ سوزىنشە، ولار باستاپقىدا جۇمساق، رەزەڭكە ءتارىزدى پوليتيوموچەۆين زاتىنا تاجىريبە جاساعان. تاجىريبە بارىسىندا جۇمساق زات قاتتى كۇيگە ەنىپ، دەفورماتسيادان كەيىن ءوزىنىڭ باستاپقى قالپىنا كەلەتىن قاسيەتكە يە بولعان. وسىدان كەيىن عالىمدار ودان اينەك جاساۋدى ۇيعارعان. ولار اينەكتىڭ جاڭا ءتۇرىن ەكىگە ءبولىپ، قايتادان جالعاعاندا اينەك 10 سەكۋندتان كەيىن قايتا قالپىنا كەلگەن. تاجىريبە جۇرگىزگەن توكيو ۋنيۆەرسيتەتىنىڭ اسپەرانتى ياناگيساۆا يۋدىڭ ويىنشا، بولاشاقتا قورشاعان ورتاعا پايدالى وزدىگىنەن قالىپنا كەلەتىن اينەكتەر قازىرگى اينەكتەردىڭ ورىنىن باساتىن بولادى.

ەستەرىڭىزگە سالايىق، وتكەن جىلى قازاقستان قىزىلوردا وبلىسىندا اينەك شىعاراتىن زاۋىت قۇرىلىسىن باستاعان. بىراق ونىڭ ارتى ەكس-ۇلتتىق ەكونوميكا ءمينيسترى قۋاندىق بيشيمباەۆتىڭ جەمقورلىق داۋىنا ۇلاسىپ، اقىر سوڭىندا زاۋىت قۇرىلىسى توقتاپ قالعان بولاتىن. كەيىننەن قازاقستاندىق «Orda Glass Ltd» كومپانياسى قىتايدىڭ "China Triumph International" كومپانياسىمەن كەلىسىم شارتقا وتىرىپ، زاۋىت قۇرىلىسىن قىتاي كومپانياسى اياقتايتىن بولعان.

“The Qazaq Times”