The Qazaq Times اقپاراتتىق قوعامدىق-ساياسي پورتالى اقپارات ايدىنىنا قوسىلعانىنا ءبىر جىل تولۋىنا وراي الماتىدا قازاقستان رەسپۋبليكاسىنىڭ ۇلتتىق كىتاپحاناسىندا بۇگىنگى باق-تىڭ تۇيتكىلدى ماسەلەلەرى جونىندە  «اقپارات ايدىنىندا ءبىر جىل: قازاقستان كونتەنتىندە تاۋەلسىز باق قالىپتاستىرۋدىڭ تاجىريبەلەرى مەن پروبلەماسى» اتتى دوڭگەلەك ۇستەل وتكىزەدى.

شاراعا ساياساتتانۋشىلار، باق وكىلدەرى جانە ءىت سالاسىندا جۇرگەن ماماندار قاتىسادى.

The Qazaq Times اقپاراتتىق قوعامدىق-ساياسي پورتالى وسىدان ءبىر جىل بۇرىن قوعامنىڭ ءار سالاسىنداعى تىڭ اقپارات، تانىمدىق ويلاردى قوزعاۋ ماقساتىندا اشىلعان بولاتىن جانە سول ماقساتتا جۇمىس ىستەپ كەلەدى. سايتىمىز قازىرگى زامانعى قازاق مۇددەسىن جاقتاۋعا، قورعاۋعا بارىنشا ۇلەس قوسۋعا تىرىسىپ كەلەدى. ۋاقىتى وتسە دە ءمانىن جويماعان، كوزدەن كەتىپ، كوڭىلدەن كومەسكىلەنە باستاسا دا ماڭىزىن ساقتاعان تانىمدىق وي، تاعىلىمدى ءسوز، تارتىمدى وقيعالاردى جاڭعىرتۋ دا سايتتىڭ بىردەن ءبىر ماقساتى.

سوندىقتان The Qazaq Times پورتالى قازىرگى كەزدە الەمدە بولىپ جاتقان جەدەل اقپاراتتاردى دەر كەزىندە جەتكىزۋگە تىرىسىپ جانە ءتۇرلى دەڭگەيدەگى ساياسي، ەكونوميكالىق، عىلىم-تەحنيكا باعىتىنداعى سالماقتى وقيعالاردى ساۋاتتى ساراپتاپ، وقىرماندارىنا قاجەت اقپاراتتى ۇسىنىپ كەلەدى جانە وسى ارقىلى باسقا اقپارات كوزدەرىنە ۇلگى بولۋدى كوزدەيدى.

وتەتىن ورنى: الماتى قالاسى، ۇلتتىق كىتاپحانا عيماراتى، ءنازيرا داۋلەتوۆا اتىنداعى كورمەلەر زالى (اباي داڭعىلى، 14)

كۇنى: 20 جەلتوقسان 2017 جىل

ۋاقىتى: 15:00

بايلانىس تەلەفونى: +7 777 000 0042, +7 777 809 9890

“The Qazaq Times”