فوتو: tengrinews.kz

نۇرسۇلتان نازارباەۆ داڭعىلىنداعى بۇرىنعى تاقتايشالار قاشان اۋىستىرىلاتىنى بەلگىلى بولدى.

الماتى اكىمدىگى ءباسپاسوز قىزمەتىنىڭ مالىمەتىنشە، نازاربەۆ داڭعىلىنداعى، سونداي-اق ساعادات نۇرماعامبەتوۆ، تالعات بيگەلدينوۆ جانە روزا باعلانوۆانىڭ اتى بەرىلگەن كوشەلەردەگى تاقتايشالاردى 16 جەلتوقسانعا قاراي جاڭارتۋ جوسپارلانىپ وتىر.

قالالىق ماسليحات دەپۋتتارى مۇرات ءادىلحانوۆ، ۆياچەسلاۆ بانششيكوۆ جانە ۆلاديسلاۆ لي تاقتايشالار بيزنەستىڭ الەۋمەتتىك جاۋاپكەرشىگى اياسىندا اۋىستىرىلسا دەگەن ۇسىنىستارىن ايتقان.

سونىمەن تاۋەلسىزدىك كۇنى قارساڭىندا نۇرسۇلتان نازارباەۆ داڭعىلىندا 16 ءۇيدىڭ جانە 33 زاڭدى مەكەمەنىڭ تاقتايشالارىن اۋىستىرۋ جوسپارلانعان. ساعادات نۇرماعامبەتوۆ كوشەسىندە 115 ءۇيدىڭ، 11 زاڭدى مەكەمەنىڭ تاقتايشاسى، روزا باعلانوۆا كوشەسىندە 136 ءۇيدىڭ، تالعات بيگەلدينوۆ كوشەسىندە 24 تۇرعىن ءۇيدىڭ تاقتايشاسى جاڭارتىلادى.

ايتا كەتەيىك، 30 قاراشا كۇنى الماتىدعى دميتري فۋرمانوۆ كوشەسى پرەزيدەنت نۇرسۇلتان نازارباەۆتىڭ اتىنا اۋىستىرىلعان. سونداي-اق ءبىراز كىشىگىرىم كوشەلەر قازاقستاننىڭ تانىمال تۇلعالارىنىڭ اتىنا وزگەرگەن بولاتىن.

“The Qazaq Times”