تەلەكوپىر بارىسىندا قر پرەزيدەنتى نۇرسۇلتان نازارباەۆ شىمكەنت قالاسىنداعى «حيمفارم» اكتسيونەرلىك قوعامىنىڭ قاتتى دارىلەر شىعاراتىن تسەحىن ىسكە قوستى، دەپ حابارلايدى وقو اكىمدىگىنىڭ ءباسپاسوز قىزمەتى.

مالىمەت بويىنشا، جالپى قۇنى 13,5 ملن اقش دوللارى بولاتىن بۇل جوبا كاسىپكەرلىكتى قولداۋ كارتاسى اياسىندا جۇزەگە اسىرىلعان. ءونىمنىڭ 80 پايىزى ىشكى نارىققا، قالعان 20 پايىزى ەكسپورتقا جىبەرىلەدى دەپ جوسپارلانۋدا.

72 ادام جۇمىسپەن قامتىلىپ، ولاردىڭ باسىم بولىگى ارنايى Polpharma توبىنىڭ ۇزدىك ءوندىرىس ورىندارىندا وقىپ كەلگەن. كومپانيانىڭ باس ديرەكتورى يجي ۋربانەتستىڭ سوزىنشە، بۇل وسىمەن ءتورتىنشى بولىپ اشىلعان تسەح.

«ءبىز جالپى كولەمى 108 ملن دوللار كولەمىندە ينۆەستيتسيا قۇيۋدى جوسپارلاپ وتىرمىز. جاڭا تسەحتى ىسكە قوسقاننان كەيىن ەكسپورتتىق الەۋەتىمىزدى 5 ملرد تەڭگەگە جەتكىزە الامىز»، - دەيدى ۋربانەتس.

بۇگىنگى تاڭدا زاۋىتتا 1200-دەن استام جوعارى بىلىكتى مامان جۇمىس ىستەيدى. ءوندىرىستىڭ بارلىعى الەمدىك ساپا ستاندارتىنا ساي كەلەدى. سالالىق GMP ستاندارىنا تولىق ساي كەلەتىنىن بۇل تسەحتا جىلىنا ءتۇرلى دەرتتى ەمدەۋگە ارنالعان 20 ميلليوننان استام قوراپ ءدارى شىعارىلادى. الداعى ۋاقىتتا تسەح جىلىنا 600 ميلليون تابلەتكا شىعارۋدى جوسپارلاپ وتىر.

 “The Qazaq Times”