فوتو: الاۋ-تۆ

قوستاناي حالىقارالىق اۋەجايى جەكەشەلەندىرۋدىڭ ەكىنشى كەزەڭى اياسىندا ساۋداعا قويىلدى، دەپ حابارلايدى LS.

اۋە ايلاعىن 100% ساتىپ الۋ قۇقىعى بويىنشا سەنىمدى باسقارۋعا بەرۋ تەندەرىن وتكىزۋ 2017 جىلعى 20 جەلتوقسانعا جوسپارلانعان. باستاپقى باعا - 862,1 ملن تەڭگە. كەپىلدىك جارناسى 129,3 ملن تەڭگەگە تەڭ.

"روست-service" كومپانياسىنىڭ مالىمەتىنشە، 2017 جىلدىڭ 30 ساۋىرىندە لوتتىڭ قۇنى 862,1 ملن تەڭگەگە باعالانعان.تەندەر شارتى بويىنشا اۋەجاي ءتورت جىلدا ساتىپ الۋ قۇقىعىمەن سەنىمدى باسقارۋعا بەرىلەدى. ساتىپ الۋشى اۋە ايلاعىنداعى جۇمىسىن 10 جىل بويى ساقتاۋى ءتيىس.

سونداي-اق، اۋەجايدى باسقارۋعا كەلگەن تۇلعا ءوزى باسقارعان ۋاقىتتا جولاۋشىلار تەرمينالىن قايتا قۇرۋ جۇمىستارىمەن جانە ءبىر-ەكى جىل ىشىندە قايتا قۇرۋدىڭ تەحنيكالىق-ەكونوميكالىق نەگىزدەمەسىن ازىرلەۋمەن اينالىسۋى كەرەك.

“The Qazaq Times”