قازاقستاندا قازان ايىنداعى بەنزين تاپشىلىعىنا بايلانىستى قىزمەتىنەن بوساتىلعان اسەت ماعاۋوۆ "KAZENERGY" قازاقستان مۇناي-گاز جانە ەنەرگەتيكا كەشەنى ۇيىمدارىنىڭ قاۋىمداستىعى» زتب باس ديرەكتورى بولىپ تاعايىندالدى، دەپ حابارلادى كومپانيانىڭ رەسمي سايتى.
"KAZENERGY قاۋىمداستىعىنىڭ توراعاسى قۇلىباەۆ تيمۋر اسقارۇلىنىڭ بۇيرىعىمەن ماعاۋوۆ اسەت ماراتۇلى 2017 جىلعى 4 جەلتوقساندا "KAZENERGY" قازاقستان مۇناي-گاز جانە ەنەرگەتيكا كەشەنى ۇيىمدارىنىڭ قاۋىمداستىعى» زتب باس ديرەكتورى قىزمەتىنە تاعايىندالدى", - دەلىنگەن كومپانيانىڭ رەسمي سايتىندا جازىلعان حابارلامادا.
اسەت ماعاۋوۆ 1994 جىلى ي.م. گۋبكين اتىنداعى موسكۆا مۇناي-حيميا جانە گاز ءوندىرىسى ينستيتۋتىنىڭ جەك سالاسىنداعى ەكونوميكا جانە باسقارۋ فاكۋلتەتىن اياقتادى. حالىقارالىق ۆاليۋتا قورىنان جانە ازيا دامۋ بانكىنەن تاعىلىمدامادان وتكەن. 2010 - 2011 جىلدارى - قازاقستان رەسپۋبليكاسى مۇناي جانە گاز ۆيتسە-ءمينيسترى، 2011-2012 جىلدارى – «ماڭعىستاۋمۇنايگاز» اق باس ديرەكتورى، 2012-2016 جىلدارى - KAZENERGY قاۋىمداستىعىنىڭ باس ديرەكتورى، 016-2017 جىلدارى – قر ەنەرگەتيكا ۆيتسە-ءمينيسترى سىندى لاۋازىمدى قىزمەتتەرىن اتقارعان.
ايتا كەتەيىك، وسى جىلدىڭ قازان ايىندا قر پرەمەر-ءمينيسترى باقىتجان ساعىنتاەۆ "قازاقستانداعى شەنەۋنىكتەر وزدەرىنە تاپسىرىلعان مىندەتتەردى دۇرىس اتقارماۋى سالدارىنان بەنزين تاپشىلىعى بولعانىن" ايتىپ، ەنەرگەتيكا ۆيتسە-ءمينيسترى اسەت ماعاۋوۆتى قىزمەتىنەن بوساتىپ، ەنەرگەتيكا ءمينيسترى قانات بوزىمباەۆعا سوگىس بەرۋدى ۇسىنعان ەدى.
رەديدەنتسيا سوتى. سەرىك كەكىلباەۆ: مەنىڭ ارەكەتتەرىمدە قىلمىستىڭ قۇرامى جوق
كارانەەۆ: تاعىلعان ايىپتىڭ ەشقايسىسىن مويىندامايمىن
رەزيدەنتسيا ىسىندەگى سۋديا مەن بەلسەندىنىڭ ايتىسى
9 ايدىڭ ىشىندە الماتى مەن جەتىسۋ وبلىستارىندا قۇرىلىسى اياقتالعان جولداردان 481 اقاۋ انىقتالعان
وتانعا ورالعان قانداس بەيىمدەلۋى نەمەسە قانداستار مەن قازاقستانداعى ميگرانتتاردى اقپاراتتىق قولداۋ جانە الەۋمەتتىك بەيىمدەۋدىڭ مەديا-ستراتەگياسى
تارازداعى قاندى قاڭتار: پروكۋرور قاڭتارشىلارعا بەرىلگەن جازانى قاتاڭداتۋدى سۇرادى