قىتاي استاناسى بەيجىڭدەگى الەمدىك ساياسي پارتيالار جەتەكشىلەرىنىڭ I xالىقارالىق فورۋمىندا قازاقستاننىڭ «اق جول » پارتياسى توراعاسى، ءماجىلىس دەپۋتاتى ازات پەرۋاشەۆ پەن پارتيا توراعاسىنىڭ ورىنباسارى، اقىن قازىبەك يسا سول ەلدە قاماۋعا الىنعان قازاقتاردىڭ ماسەلەسىن كوتەردى دەپ حابارلايدى "قازاق ءۇنى" پورتالى.

1 جەلتوقسان كۇنى  قىتايدىڭ مەملەكەتتىك توراعاسى شي جينپيڭگە جازىلعان، قىتايداعى قامالعان 112 قازاق ءتىزىمى بار حاتتى  قىتاي كوممۋنيستىك پارتياسى ورتالىق كوميتەتىنىڭ حالىقارالىق ىستەر دەپارتامەنتى مەڭگەرۋشىسىنىڭ ورىنباسارى ء(مينيستردىڭ ورىنباسارى) شەن بەيلي xانىمعا تاپسىردى.

بۇل حاتتى  پارتيا كەڭسەسىنە ورالماندار قىدىرالى ورازۇلى، قۇل-كەرىم ەلەمەس پەن بەيسەن اxمەتۇلى اكەپ وتكىزگەن بولاتىن.  سونىمەن قاتار «اق جول» پارتياسى اتىنان دا، ءماجىلىس دەپۋتاتى ازات پەرۋاشەۆتىڭ قولى قويىلعان xات بەرىلدى. ەكەۋىنىڭ دە  قىتايشا اۋدارماسى دا قوسا بەرىلدى.

ءماجىلىس دەپۋتاتى ازات پەرۋاشەۆ. فوتو: qazaquni.kz

اقجولدىقتار بۇل كىسىلەردىڭ قازاقستانداعى تۋعان-تۋىستارى قاتتى مازاسىزدانىپ وتىرعاندىقتان، بۇلاردى قىتاي پوليتسياسى  نەلىكتەن قاماپ تاستادى، ولاردىڭ  جازىعى نە،  جاعدايى قانداي ەكەنىن تەكسەرۋدى سۇرادى. شەن بەيلي xانىم شىڭجان باسشىلارىنا بۇل جاعدايدى انىقتاپ، جاۋابىن بەرۋگە تاپسىرما بەرەتىنىن موينىنا الدى.

“The Qazaq Times”