ەلەكتروندى كەلىسىمشارت ەنگىزىلسە قازاقستاندىقتاردا ەڭبەك كىتاپشاسى بولمايدى. بۇل تۋرالى قر ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا مالىمدەدى.

"بىرىڭعاي ەلەكتروندى ەڭبەك بيرجاسى بازاسىندا قىزمەتكەردىڭ ءپروفيلىن ەنگىزۋ جانە ەڭبەك شارتتارىن تىركەۋ جۇيەسى قۇرىلادى. ەلەكتروندى فورماتقا كوشىرىلگەن ەڭبەك كەلىسىمشارتتارى ەڭبەك كىتاپشالارىن الىپ تاستاۋعا، ازاماتتاردىڭ رەسمي تۇردە جۇمىسپەن قامتىلعانى تۋرالى اقپارات الۋعا مۇمكىندىك بەرەدى", - دەدى مينيستر.

دۇيسەنوۆانىڭ سوزىنشە، جوبا ەلدەگى وبلىستاردىڭ بىرىندە پيلوتتى رەجيمدە ىسكە قوسىلاتىن بولادى. سونداي-اق، ول مۇگەدەكتىك جونىندە ءوتىنىش بەرۋ ءۇشىن دە ونلاين جۇيەنى ەنگىزۋ جوسپاردا بار ەكەنىن مالىمدەدى.

"مۇگەدەكتىك تۋرالى وتىنىشتەر eGov ارقىلى ەلەكتروندى نۇسقادا تۇسەتىن بولادى. جۇيە وتىنىشتەردى قاراۋدا ءوتىنىش بەرۋشىنىڭ قاتىسۋىن تالاپ ەتپەيدى", - دەدى دۇيسەنوۆا.

“The Qazaq Times”