فوتو: ەكسپرەسس ك

قازان ايىنىڭ 10-ىنان بەرى قازاقستان بيلىگى قىرعىزستانمەن اراداعى شەكاراسىنان تاۋار مەن ادامداردىڭ وتۋىنە كەدەرگى جاساپ وتىر – دەپ مالىمدەدى قىرعىزستاننىڭ بىرىككەن ۇلتتار ۇيىمىنداعى تۇراقتى وكىلى ميرگۇل مولدويساەۆا.

قاراشا ايىنىڭ 21-ءى كۇنى بۇۇ-نىڭ باس اسسامبلەياسىنىڭ ەكىنشى كوميتەت وتىرىسىندا قىرعىزستان وكىلى ميرگۇل مولدويساەۆا قازاق-قىرعىز شەكاراسىنداعى جاعدايلارعا بايلانىستى مالىمدەمە جاسادى. ول وندا: «ءبىر ايدان استام ۋاقىت بويى قازاقستان تاراپى قىرعىزستانعا ەكونوميكالىق جانە ترانسپورتتىق توسقاۋىل قويىپ وتىر. بۇنىڭ بارلىعى قىرعىزستان ەكونوميكاسىنا زيان كەلتىرۋدە. قازاقستان بيلىگىنىڭ جاساپ جاتقان ارەكەتتەرى قىرعىزستانعا ينۆەستيتسيا مەن تۋريستەردى تارتۋعا كەدەرگى كەلتىرۋ ءۇشىن جاسالىپ وتىر» - دەگەن.

وسىدان كەيىن اسسامبلەيا مۇشەلەرى قانداي دا ءبىر مەملەكەتتىڭ وزگە ءبىر ەلگە قارسى ءبىر جاقتى ەكونوميكالىق، ساياسي شەشىم قابىلداۋىنا تىيىم سالاتىن قارار قابىلداعان. اتالمىش قاراردى قولداپ 166 مەملەكەت داۋىس بەرىپ، 49 ەل قالىس قالعان. اقش پەن يزرايل قاراردىڭ قابىلدانۋىنا قارسى داۋىس بەرگەن.

ەستەرىڭىزگە سلايىق، بۇعان دەيىن قاراشا ايىنىڭ 20-سى كۇنى قىرعىزستان پرەزيدەنتى المازبەك اتامباەۆ كەزەكتى رەت قازاقستان بيلىگىن سىناپ، ەل ساناتىنىڭ توراعاسى قاسىم-جومارت توقاەۆتى ساتيرالىق رومان كەيىپكەرىنە تەڭەگەن بولاتىن.

“The Qazaq Times”