اراب مەملەكەتتەرى وداعىنا مۇشە ەلدەردىڭ كايردەگى باسقوسۋىندا ساۋد ارابياسى ليۆانداعى شيتتىك قوزعالىس "حەزبوللانى" قاقتىعىس وشاقتارىنا قارۋ جەتكىزىپ، تەرروريزمنىڭ بەلەڭ الۋىنا سەبەپكەر بولىپ وتىر دەپ ايىپتادى. ءوز كەزەگىندە "حەزبوللا" ۇيىمىنىڭ باسشىسى حاسان ناسراللا ساۋد ارابياسىنىڭ مالىمدەمەسىن "اقىلعا قونىمسىز" دەپ باعالاپ، وزدەرىنىڭ "يسلام مەملەكەتى" لاڭكەستىك ۇيىمىنا قارسى كۇرەسىن ەرەكشە اتاپ ءوتتى.
"حەزبوللا" ۇيىمىنىڭ باسشىسى حاسان ناسراللا يەمەن، باحرەين، كۋۆيەت پەن يراك سياقتى قاقتىعىس وشاقتارىنىڭ بىردە-بىرىنە قارۋ جەتكىزبەگەنىن ايتادى. وسىعان دەيىن ساۋد ارابياسى حەزبوللالىقتاردى ەر-ريادقا قارسى اتىلعان بالليستيكالىق قارۋ ءۇشىن ايىپتاعان ەدى. ۇيىم مۇشەلەرى بۇل كىنانى دا مويىندارىنا الۋدان باس تارتتى.
حەزبوللا ۇيىمى ءسۇريادا باشار اساد ۇكىمەتىنە قولداۋ كورسەتىپ، تەررورشىلارعا قارسى كۇرەس جۇرگىزىپ وتىر. ولاردىڭ جارتى اسكەرى سونداي-اق يراك جەرىندە دە "يسلام مەملەكەتى" لاڭكەستىك ۇيىمىنىڭ كوزىن جويۋ ءۇشىن كۇش سالىپ جاتىر. حاسان ناسراللا يراكتاعى سوڭعى قالا جيحادشىلار قولىنان ازات ەتىلگەننەن كەيىن، ءوز اسكەرىن قايتارۋدى جوسپارلاپ وتىرعانىن جەتكىزدى. "ەندى يراكتىڭ تەرروريزمگە قارسى كۇرەستەگى جەڭىسىن رەسمي تۇردە جاريالاۋىن كۇتۋ عانا قالدى" دەگەن ناسراللا وسى مىسالدىڭ ءوزى ساۋد ارابياسىنىڭ نەگىزسىز ايىپتاۋلارىن جوققا شىعاراتىنىن ايتادى.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى