الماتىدا بەلگىلى پەداگوگ ءابدىماجيت وتەشپەن قوشتاسۋ ءراسىمى وتەدى

بۇگىن الماتى حالقى بەلگىلى پەداگوگ،  فيزيكا-ماتەماتيكا باعىتىنداعى ءبىلىم بەرۋ ۇزدىگى ءابدىماجيت وتەشپەن قوشتاسادى. قوشتاسۋ ءراسىمى ساعات 10:00-دە "الاتاۋ" ءداستۇرلى ونەر تەاترىندا وتەدى.

ايتا كەتەيىك، كەشە № 178 مەكتەپ-ليتسەيى ۇجىمى ابدىماجيت وتەشتىڭ قايتىس بولعانى تۋرالى حابارلاعان. ۇجىمنىڭ مالىمەتىنشە، ءابدىماجىت قوڭىربايۇلى جۇرەك سىرقاتىنان قايتىس بولعان. ول ءبىراز ۋاقىت بۇرىن اۋرۋحاناعا جاتقىزىلعان.

ءابدىماجيت قوڭىربايۇلى وتەش 1958 جىلى 28 ماۋسىمدا جامبىل وبلىسى سارىسۋ اۋدانى اقتوعاي اۋىلىندا دۇنيەگە كەلگەن. وسى اۋىلداعى مەكتەپتە ءبىلىم الىپ، 1972 جىلى رەسپۋبليكالىق فيزيكا ماتەماتيكا مەكتەبىنە وقۋعا تۇسەدى. 1978 جىلى اباي اتىنداعى قازاق ۇلتتىق پەداگوگيكالىق ۋنيۆەرسيتەتىن ماتەماتيكا ماماندىعى بويىنشا تامامداعان. «قۇرمەت» وردەنىنىڭ جانە «ىبىراي التىنسارين» سىيلىعىنىڭ يەگەرى، قر ءبىلىم بەرۋ ءىسىنىڭ ۇزدىگى، اۋداندىق، قالالىق، رەسپۋبليكالىق دەڭگەيدە ءارتۇرلى العىس حاتتارمەن، گراموتالارمەن ماراپاتتالعان.

قازاقستاندىقتار ءابدىماجيت قوڭىربايۇلىن ۇزدىك ماتەماتيك، ءبىلىمدى پەداگوگ، بىلىكتى باسشى رەتىندە جاقسى بىلەدى. سونداي-اق، ءومىرىنىڭ سوڭعى جىلدارىندا باسقارعان № 178 فيزيكا-ماتەماتيكا باعىتىنداعى مەكتەپ-ليتسەيى دە الماتى قالاسى بويىنشا عانا ەمەس، رەسپۋبليكا بويىنشا دا ەڭ ۇزدىك مەكتەپتەردىڭ قاتارىندا.

“The Qazaq Times” اقپاراتتىق، قوعامدىق-ساياسي پورتالى مارقۇمنىڭ وتباسىنا، تۋعان-تۋىستارىنا، دوستارىنا كوڭىل ايتادى.

“The Qazaq Times”