ەلەكتروندىق تولەم قىزمەتتەرى نارىعىندا ينتەرنەت/موبيلدى بانكينگ ارقىلى جاسالعان وپەراتسيالاردىڭ ايتارلىقتاي وسكەن. بۇل تۋرالى اقپارات ۇلتتىق بانكتىڭ رەسمي سايتىندا جاريالاندى.

باس بانكتىڭ مالىمەتىنشە، تولەم كارتاسىن پايدالانا وتىرىپ ينتەرنەت جانە ءموبيلدى بانكينگ ارقىلى جۇرگىزىلگەن تولەم كولەمدەرى 2016 جىلمەن سالىستىرعاندا 78,9%-عا ءوستى.

"جالپى 2017 جىلعى قاڭتار-قىركۇيەكتە ينتەرنەت/موبيلدى بانكينگ ارقىلى 715,7 ملرد تەڭگە سوماعا 58,9 ملن وپەراتسيا جاسالدى. وسى سەرۆيستەردى پايدالانا وتىرىپ تولەمدەردىڭ ۇلەسى تولەم كارتوچكالارىن پايدالانا وتىرىپ قولما-قول ەمەس تولەمدەردىڭ جالپى كولەمىنەن سانى بويىنشا 38,7%-دى جانە سوماسى بويىنشا 36,4%-دى قۇرادى", - دەلىنگەن حابارلامادا.

2017 جىلعى 1 قازانداعى جاعداي بويىنشا 7,8 ملن ينتەرنەت جانە ءموبيلدى
بانكينگ پايدالانۋشىسى تىركەلگەن. ايىنا ولاردىڭ 23%-ى ورتا ەسەپپەن بەلسەندى تۇردە وپەراتسيالار جۇرگىزەدى.

سونداي-اق  ەلەكتروندىق اقشا نارىعى دا وسكەن. ماسەلەن، قازاقستاندىق
ەميتەنتتەردىڭ ەلەكتروندىق اقشاسىن پايدالانا وتىرىپ جۇرگىزىلگەن وپەراتسيالاردىڭ كولەمى 2017 جىلعى 9 ايدا 240,3 ملر. تەڭگە سوماعا 57,1 ملن ترانزاكتسيا جۇرگىزىلگەن جانە 2016 جىلدىڭ وسىنداي كەزەڭىمەن سالىستىرعاندا وپەراتسيا سانى بويىنشا 2,1 ەسە جانە وپەراتسيا سوماسى بويىنشا 2,6 ەسە ءوستى.

قازاقستاننىڭ ەلەكتروندى اقشا جۇيەسىندە تىركەلگەن «ەلەكتروندى ءاميان» سانى 2017 جىلعى 1 قازانداعى جاعداي بويىنشا 7,2 ملن بىرلىكتى قۇرادى.

“The Qazaq Times”