قازاقستاننىڭ ءبىرىنشى حانىمى سارا نازارباەۆا مەن قر پرەزيدەنتى نۇرسۇلتان نازارباەۆ. فوتو: 365Info

اقمولا وبلىسىنىڭ اقكول اۋدانىندا "WAKE UP 2017" فورۋمى اياسىندا «سارا نازارباەۆا اتىنداعى تابيعي پارك» جوباسىنىڭ تانىستىرىلىمى ءوتتى، دەپ حابارلادى وبلىستىڭ ىشكى ساياسات باسقارماسىنىڭ وڭىرلىك كوممۋنيكاتسيا قىزمەتى.

"جوبانىڭ ماقساتى - اقكول اۋدانىندا بيوسفەرالىق رەزەرۆات قۇرۋ. ياعني بۇل بيولوگيالىق رەسۋرستاردى بەلسەندى پايدالانۋ جانە بىرەگەي ەكوجۇيەلەردى ساقتاۋ اراسىندا بالانس قۇرۋ. تابيعي پارك - تۋريستىك قىزمەت كورسەتۋگە باعىتتالعان ىسكەرلىك جوبالاردى دامىتۋ ارقىلى  جەرگىلىكتى تۇرعىنداردى ايماقتىڭ بىرەگەي تابيعي رەسۋرستارىن ساقتاۋعا بەيىمدەۋ قۇرالى بولادى. بۇدان بولەك ءبىز وتباسىلىق دەمالىس شارالارىنا باسىمدىق بەرەمىز", - دەدى "تۇراقتى دامۋ" جەر قورىنىڭ پرەزيدەنتى الان بەسەن.

ازىرگە جوبا اقمولا وبلىسىنىڭ اكىمى مالىك مۇرزالينگە، ودان كەيىن رەسپۋليكالىق دەڭگەيدە ۇسىنىلاتىن بولادى. جوبانىڭ قاشان جۇزەگە اساتىنى جانە پاركتىڭ قاشان اشىلاتىنى كەيىن بەلگىلى بولادى.

“The Qazaq Times”