فرانتسيانىڭ پاريج قالاسىندا جۇما نامازىن كوشە بويىنا قاز-قاتار ءتىزىلىپ وقىعان مۇسىلماندارعا قارسى جۇزگە جۋىق ساياساتكەر مەن قوعام بەلسەندىسى نارازىلىق شەرۋىن ۇيىمداستىردى. مۇسىلمانداردىڭ قۇلشىلىعىن فرانتسيانىڭ ءانۇرانىن شىرقاۋ ارقىلى بۇزعان شەرۋ قاتىسۋشىلارىنا بوگەت بولىپ، ەكى تاراپتى ءبىر-بىرىنەن اجىراتۋ ءۇشىن وقيعا ورنىنا پوليتسيا قىزمەتى كومەككە كەلدى. بۇل تۋرالى APF اقپاراتتىق اگەنتتىگى جازدى. 

فرانتسيا  - باتىس ەۋروپاداعى مۇسىلماندار ەڭ كوپ شوعىرلانعان مەملەكەت. مۇندا 5 ملن مۇسىلمان بار. 200-گە جۋىق مۇسىلماننىڭ جۇما نامازىن ورىنداۋىنا قارسىلىق بىلدىرگەندەر، كوشە سياقتى قوعامدىق ورىندار قۇلشىلىققا ارنالماعانىن العا تارتسا، يسلام ءدىنىنىڭ وكىلدەرى ولاردىڭ باسقا باراتىن جەرلەرى جوقتىعىن ايتادى. ناماز وقيتىن جالعىز ورىندى ناۋرىز ايىندا قالا اكىمشىلىگى الىپ قويعاننان كەيىن، مىندەتتى قۇلشىلىعىن دالادا ورىنداپ جۇرگەن ولار، ءار جۇما سايىن قوعامنىڭ نازارىنداعى قولايسىز، لاس ورىندا ناماز وقۋ وزدەرىنە دە ۇنامايتىنىن جەتكىزدى.

پاريج وڭىرلىك كەڭەسىنىڭ وكىلى ۆالەرا پەكرەس قوعامدىق ورىننىڭ مۇنداي ماقساتتارعا پايدالانىلعانىنا قارسى ەكەنىن بىلدىرسە، مۇسىلمانداردىڭ ءبىرى شەرۋ قاتىسۋشىلارىنىڭ فرانتسيا ءانۇرانىن شىرقاعانى كوڭىلىنە قاياۋ تۇسىرگەنىن ايتادى. ول: ء"بىز دە فرانتسۋزدارمىز! فرانتسيادا وتە ۇزاق جىلدان بەرى تۇراتىن فرانتسۋزدارمىز", -دەدى.

“The Qazaq Times”