جاقىندا وڭتۇستىك كورەيا ۋنيۆەرسيتەتىنىڭ ماماندارى ارنايى زەرتتەۋ جۇمىسىن جۇرگىزگەن. زەرتتەۋ ناتيجەسى بويىنشا، بەلگىلى ءبىر ەلدە تۋىلعان، 1 جاسقا تولماي وزگە ەلگە كوشىپ كەتىپ، ءوز ءتىلىن ۇمىتىپ كەتسە دە، تۋىلعانىنان 5 ايعا دەيىنگى ونىڭ جادىسىنداعى انا ءتىلىنىڭ ينفورماتسيالارى ماڭگى ساقتالادى. كەيىن دە ءوز ءتىلىن جەتتىك مەڭگەرىپ كەتۋگە قابىلەتتى بولادى. بۇل تۋرالى BBC.com.  حابارلايدى.

زەرتتەۋ جۇمىسىنا  گوللاند تىلىندە سويلەيتىن، وڭتۇستىك كورەيادا تۋىلعان ەرەسەك ادامدار  قاتىسقان. ولاردىڭ كارىس ءتىلىن بىلمەسە دە، سوزدەردى سويلەپ، ءتىلدىڭ دىبىستالۋىن جاقسى بىلەتىن بولىپ شىقتى. وسىدان عالىمدار، «تۋىلعانىنان باستاپ اتا-انالار بالامەن مەيىلىنشە كوپ سويلەسۋى قاجەت» دەگەن قورىتىندىعا كەلدى.

زەرتتەۋ جەتەكشىسى – دجيۋن ءچويدىڭ پىكىرىنشە، نارەستەگە العاشقى ايلارىنان باستاپ ءوز ءتىلى ساناسىنا سىڭەدى. سول ءۇشىن دە، كوپ جىلداردان كەيىن قايتا ءوز ءتىلىن (ولار ءۇشىن جاڭا ءتىل بولسا دا)  مەڭگەرۋ قيىندىق تۋدىرمايدى.

  عالىمدار گوللاندىقتاردىڭ ەكى توبىنا تەست جۇرگىزگەن: ءبىرىنشى، گوللانديادا تۋىلىپ، سول ەلدە وسكەندەر. ەكىنشىسى، وزگە ەلدە تۋىلىپ، گوللانديادا وسكەندەر. انىقتالعانداي، نارسەتەلەردى 6 ايعا دەيىنگى ۋاقىتىندا اسىراپ العان. بىراق جەرگىلىكتى گوللاندىقتارعا قاراعاندا، «اسىراپ الىنعان» گوللاندىقتار  وزدەرىنە بەيمالىم تىلدە ارىپتەر مەن دىبىستاردى ناقتى اتاعان.

وسىدان كەلە، ادامداردىڭ ءتىلدى مەڭگەرۋى تاجىريبەگە عانا بايلانىستى ەمەس  ەكەندىگىن (ابستراكتىلى حاراكتەرى بار) اتاپ وتۋگە بولادى.

وسى اقپاراتتاردى ەسكەرە كەلە دجۋي چوي اتا-انالارعا بىلاي دەيدى:

«ەستەرىڭىزدە ساقتاۋلارىڭىزدى سۇرايمىن. ءتىلدى ۇيرەنۋ ءومىردىڭ العاشقى كۇندەرىنەن باستالادى. نارەستەلەرىڭىزگە كوبىرەك كوڭىل ءبولىپ، اڭگىمەلەسىڭىزدەر. ول سىزدەردى تۇسىنەدى جانە ساناسىنا قابىلداپ الادى. ءتىپتى بالانىڭ ءتىلدى يگەرۋ پروتسەسى اناسىنىڭ قۇرساعىندا جاتقاندا-اق باستالىپ كەتەدى. بالا دۇنيەگە كەلگەن كەزدە، ول اناسىنىڭ داۋىسىن ءبىلىپ تۋادى».

"The Qazaq Times"