قازاقستاندىقتار ءدارى-دارمەكتى كوپ قولداناتىن بولعان. ال وتاندىق وندىرۋشىلەر بۇل سۇرانىستى قاناعاتتاندىرا الىپ وتىرعان جوق. سەبەبى وسى جىلى ءدارى يمپورتى 33%-دى قۇراعان، ال ىشكى نارىقتاعى ءدارى يمپورتىنىڭ ۇلەسى 58-100%-دى قۇرايدى. مۇنداي مالىمەتتى finprom.kz ساراپتاما اگەنتتىگى تاراتتى. 

مەديكامەنت يمپورتتاۋشىلار قازاقستاندىق نارىقتا وزدەرىنىڭ پوزيتسياسىن ارتتىرا ءتۇسۋدى بارىنشا قولعا العان. سەبەبى وسى جىلدىڭ قاڭتار-تامىز ايىندا 16,6 مىڭ توننا ءدارى-دارمەك جەتكىزىلگەن جانە بۇل 2016 جىلدىڭ وسى كەزەڭىمەن سالىستىرعاندا 32,9%-عا جوعارى. وسىلايشا كورسەتكىش 2016 جانە 2015 جىلعىدان ارتىق بولىپ وتىر.

قاراجات ەسەبى بويىنشا دارىلەردىڭ جەتكىزىلۋىنە جۇمسالعان قاراجات تا از ەمەس، 8 ايداعى كورسەتكىش 21,2%-عا نەمەسە 524,2 ملن دوللارعا جوعارى. ياعني بۇدان 2014 جىلدارى قىسقارا باستاعان ءدارى-دارمەك يمپورتى بيىل قايتا كوبەيىپ وتىر.

يمپورتتىڭ ارتۋى قازاقستاندىق تۇتىنۋشىلاردىڭ ءدارى-دارمەكتەرگە دەگەن سۇرانىسىنىڭ ارتۋىمەن بايلانىستى. ولار انتيبيوتيكتەردى مەن باسقا دا فارماتسەۆتيكالىق پرەپاراتتاردى ءجيى تۇتىنا باستاعان. ال قىزمەت كورسەتۋ جانە پروفيلاكتيكالىق پرەپاراتتاردى ساتۋ تومەندەدى.

قازاقستاندىقتار قازىردىڭ وزىندە تەك ناقتى اۋرۋلاردى ەمدەۋ ءۇشىن قاجەتتى ءدارى-دارمەكتەردى ساتىپ الادى ەكەن، ال يممۋنيتەتتىڭ تومەندەۋىن الدىن الۋعا جانە نىعايتۋعا ارنالعان ءدارى-دارمەكتەردى ساتىپ الۋدان ۇنەمدەيدى; پروتيۆاميندەر، ۆيتاميندەر مەن ولاردىڭ تۇرلەرىن ساتىپ الۋ سوڭعى ەكى جىلدا مۇلدە ازايعان. مىسالى وسى جىلدىڭ 8 ايىندا ەلىمىزدە 85 توننا ۆيتامين مەن پروۆيتامين ساتىلعان، ال بۇل وتكەن جىلمەن سالىستىرعاندا 27% -عا از.

ال ءدارى جەتكىزەتىن ەلدەرگە كەلەر بولساق، گەرمانيا قازاقستانعا ەڭ كوپ ءدارى اكەلەتىن ەل. ەسەپتىك كەزەڭدە ولاردىڭ ەلگە اكەلگەن ءدارى-دارمەگىنىڭ ۇلەسى  17,8%-دى نەمەسە 93,4 ملن دوللاردى قۇراعان. ال رەسەيدەن 10,8 ملن دوللارعا، نيدەرلاندىدان 9,6 ملرن دوللارعا فارماتسەۆتيكالىق پرەپاراتتار جەتكىزىلگەن.

ايتا كەتەيىك، قازاقستاندا الەمەتتىك ماڭىزى بار دۇنيەلەردىڭ ءبارى قىمبات جانە سوڭعى ۋاقىتتا جەمقورلىق داۋى دا وسى سالالارعا قاتىسى ءجيى تۋىنداپ ءجۇر. ءتىپتى مىندەتتى الەۋمەتتىك مەديتسينالىق ساقتاندىرۋ پاكەتىنەن حالىقتىڭ قالتاسى كوتەرە بەرمەيتىن قىمبات ءدارى-دارمەكتەردىڭ ءتىزىمىن كورمەيسىز.

“The Qazaq Times”