G7 مەملەكەتتەرى Facebook, Google, Twitter سياقتى تەحنيكا الپاۋىتتارىمەن عالامتورداعى ەكسترەميزمنىڭ تارالۋىنا قارسى كۇش بىرىكتىرەدى. بۇل تۋرالى G7 مەملەكەتتەرى وكىلدەرىنىڭ باسقوسۋىندا تالقىلاندى. 

يتاليانىڭ ىشكى ىستەر ءمينيسترى ماركو ميننيتي كەزدەسۋدەن سوڭ جۋرناليستەرگە بەرگەن سۇحباتىندا جاڭا ارىپتەستىك شاراسىن "بوستاندىققا جەتۋ جولىنداعى ماڭىزدى قادام" دەپ باعالادى. G7 مەملەكەتتەرى الەمدىك ترانسۇلتتىق كومپانيالارمەن بىرىگىپ، تەرروريستەردىڭ عالامتور ارقىلى حالىقتى ەكسترەميزمگە تارتۋ، ۇيرەتۋ جانە راديكاليزاتسياعا ۇشىراتۋ پروتسەسىنە قارسى تۇرۋدى كوزدەپ وتىر.

اقش-تىڭ ۇلتتىق قاۋىپسىزدىك ءمينيسترى ەلەين ديۋك: ء"بىزدىڭ جاۋلارىمىز تۆيتتەردە جاريالانعان جازبالاردىڭ جىلدامدىعىمەن بىردەي قارقىن الىپ كەلە جاتىر. ولارعا توسقاۋىل بولۋ ءۇشىن بىزگە دە تەزىرەك قيمىل-ارەكەتكە كوشۋ كەرەك" دەسە، فرانتسيانىڭ  ىشكى ىستەر ءمينيسترى: ء"بىز ەسترەميستىك سيپاتتاعا جازبا جاريالانعان 2 ساعات ىشىندە ونى ءوشىرىپ تاستاۋعا قول جەتكىزۋدى ماقسات تۇتىپ وتىرمىز" دەپ حابارلادى.

يتاليادا وتكەن جيىندا ءسوز بولعان تاعى ءبىر ماسەلە  2014-2016 جىلدار ارالىعىندا  ەۋروپادان سۇرياعا "يسلام مەملەكەتى" لاڭكەستىك ۇيىمىنىڭ قاتارىندا سوعىسۋعا اتتانىپ، قازىر ەلگە قايتا ورالعان ازاماتتاردىڭ جايى بولدى. وسىعان دەيىن ەۋروپاعا قايتقان پوتەنتسيالدى تەرروريستەر بىرنەشە تەرراكتىلەردىڭ سەبەپكەرى بولعان. مۇنداي قاۋىپ-قاتەردىڭ الدىن الۋ ءۇشىن يتاليا مەن اقش اراسىندا ازاماتتاردىڭ ساۋساق تاڭبالارى تۋرالى اقپاراتپەن ءبولىسۋ تۋرالى كەلىسىم جاسالىپ، ينتەرپولدىڭ دەرەكتور قورىنداعى 40 مىڭ شەتەلدىك ەسترەميست تۋرالى مالىمەتتەرمەن الماسۋ ماسەلەسى ءسوز بولدى.

“The Qazaq Times”