ەۋرووداق  - ەۋروپا مەملەكەتتەرىنىڭ تەڭ دارەجەلى ساۋدا بايلانىستارى مەن كەز كەلگەن ماسەلە توڭىرەگىندەگى مىزعىماس بەرىكتىگىن كورسەتكەنىمەن، ونىڭ قۇرامىنداعى بارلىق مەملەكەتتەردىڭ ىقپالى بىردەي ەمەستىگىن بىلەمىز. ەۋرووداق ەكونوميكاسىنىڭ ۇلكەن بولىگىن الىپ، ساياسي شەشىمدەر قابىلداۋدى ءوز ىقپالىن ەركىن جۇرگىزەتىن سونداي ەلدەردىڭ كوشىن گەرمانيا باستاپ تۇر. "بىرىنشىگە قاراپ سوڭىنداعىلار بەت تۇزەيدى" دەگەن قاعيدا بارىن تاعى دا بىلەمىز. ەندەشە  گەرمانيا ءبىرىنشى بولۋعا لايىق پا، سونى تالداپ كورەيىك. 

  1. گەرمانياداعى جۇمىسسىزدىق  ەۋرووداق بويىنشا ەڭ تومەنگى دەڭگەيدە. سالىستىرۋ ءۇشىن: جۇمىسسىزدىق دەڭگەيى يسپانيادا - 18.2 %، يتاليادا - 11.5 %، فرانتسيادا - 9.5 %، ۇلىبريتانيادا - 4.5 %، ال گەرمانيادا - 4 %.
  2. ەۋروپاداعى ورتاشا ايلىق كورسەتكىشى گەرمانيادا ەڭ جوعارى سانالادى. ماسەلەن، ادامدار ورتا ەسەپپەن، يسپانيادا 27,520 $, يتاليادا 31,590 $, ال گەرمانيادا 43,660 $ تابادى.
  3. جالاقى تەڭسىزدىگى گەرمانيادا وزگە كورشى مەملەكەتتەرمەن سالىستىرعاندا تومەن. مىسالى، بۇل كورسەتكىش يسپانيادا - 0.34, فرانتسيادا 0.30, ال گەرمانيادا 0.29.
  4. سونداي-اق گەرمانيا وزگە ەۋروپا مەملەكەتتەرىنە قاراعاندا بوسقىنداردى كوپ قابىلداعان. 2017 جىلدىڭ قاڭتار-ماۋسىم ارالىعىندا ەلگە قابىلدانعان بوسقىندار سانى كەلەسىدەي: يسپانيا - 8.987, ۇلىبريتانيا - 10.643, فرانتسيا - 36.149, گەرمانيا - 91.209.
  5. سوڭعى كەزدەرى گەرمانيا جاھاندىق تەرروريزم يندەكسىندە 8 ورىنعا كوتەرىلىپ، 41-گە تۇراقتادى. قاۋىپ-قاتەر دەڭگەيىنىڭ ارتۋى 2015 جىلى 41 ادام، 2016 جىلى 22 ادام مەرت بولعان تەرراكتىلەرمەن بايلانىستى. گەرمانيادا 1 جىلدا 3 مىڭ 500 قوعامدىق ءتارتىپ بۇزۋشىلىقتار بولىپ، 560 ادام جارالانعان. مۇنداي كەلەڭسىزدىكتەر كوبىنە بوسقىندارمەن بايلانىستى بولاتىندىقتان، گەرمانيادا بيىلعى  فەدەرالدى سايلاۋدا انگەلا مەركەلدىڭ بوسقىندار ساياساتىن قاتاڭ سىناعان Alternative for Germany پارتياسىنىڭ ەلەۋلى داۋىس جينادى.
  6. گەرمانيا قورشاعان ورتانى قورعاۋ تۋرالى كوپ باستامالاردىڭ اۆتورى بولعانىمەن، كومىرقىشقىل گازىنىڭ ءوندىرىسى بويىنشا الدىڭعى قاتارداعى ەل. ەلدىڭ كومىر قىشقىل گازىنىڭ ءوندىرىسى يندەكسى - 9,4. بۇل ەۋروپاداعى ەڭ جوعارعى كورسەتكىش.
  7. بالامالى ەنەرگيا كوزدەرىنەن الىناتىن ەنەرگيا بۇكىل قۋات كوزىنىڭ 15 پايىزىن قۇرايدى. جاڭارتىلعان ەنەرگيا كوزدەرىن پايدالانۋ بويىنشا گەرمانيا ەۋروپانىڭ وزگە ەلدەرىنەن قالىس قالىپ وتىر. ويتكەنى بارلىق كورسەتكىشتەر بويىنشا گەرمانيادان ارتتا قالىپ كەلگەن يتاليادا التەرناتيۆتى ەنەرگيا 17.5 پايىز.

“The Qazaq Times”