فوتو: FreshNews.su

قازان ايىنىڭ 12-ءسى كۇنى 2012 تس-4 استەرويدى جەرگە جاقىندايدى – دەپ حابارلايدى Oxu.az اقپارات كوزى.

يممانۋيل كانت اتىنداعى بالتىق فەدەرالدى ۋنيۆەرسيتەتىنىڭ زەرتتەۋلەرى بويىنشا، قازان ايىنىڭ 12-ءسى كۇنى 2012 تس-4 استەرويدى جەرگە جاقىن ۇشىپ وتەتىن بولادى. استەرويدتىڭ ۇزىندىعى 13 مەتر عانا بولعاندىقتان قاراپايىم ادامدار ونى كورە المايدى. ونى تەك ارنايى قۇرىلعىلار ارقىلى كورۋگە بولادى. ۋنيۆەرسيتەت عالىمدارىنىڭ سوزىنشە، 2012 تس-4 استەرويدى 12-ءشى قازان كۇنى تاڭعى ساعات 6:42 جەردەن 50 مىڭ شاقىرىم قاشىقتىقتا ۇشىپ وتەدى.

بۇعان دەيىن كوپتەگەن عالىمدار 2012 تس-4 استەرويدى جەرمەن 2015 جىلى سوقتىعىسادى دەپ بولجاعان بولاتىن. ەكى جىل وتكەن سوڭ يممانۋيل كانت ۋنيۆەرسيتەتىنىڭ عالىمدارى 2012 تس-4 استەرويدىنىڭ جەرگە ەشقانداي قاۋىپ توندىرمەيتىنىن دالەلدەپ شىققان.

“The Qazaq Times”