الماتىدا قوقىس سۇرىپتاۋ كەشەنىنىڭ قۇرىلىسى باستالدى، دەپ حابارلايدى قالا اكىمدىگىنىڭ ءباسپاسوز قىزمەتى. 

زاۋىت ەۋروپا جابدىقتارىمەن جابدىقتالاتىن بولادى. كومپانيانىڭ وندىرىستىك قۋاتى قالانىڭ قالدىقتارىن قايتا وڭدەۋ قاجەتتىلىگىن تولىعىمەن جابادى.

قالدىقتاردى سۇرىپتاۋ كەشەنىنىڭ قۇرىلىسى «Green Recycle» جشس جەكە ينۆەستيتسيالارى ەسەبىنەن جۇزەگە اسىرىلادى. سۇرىپتاۋ ءۇردىسى بارىسىندا قايتا پايدالانۋعا جارامدى كومپونەنتتەر تاڭدالادى. جىلىنا 550 مىڭ توننا قۋاتى بار زاۋىت 2018 جىلدىڭ جازىندا پايدالانۋعا بەرىلەدى دەپ جوسپارلانۋدا.

الماتى اكىمى باۋىرجان بايبەكتىڭ ايتۋىنشا، تۇتاستاي العاندا قالدىقتاردى سۇرىپتاۋ كەشەنىنىڭ پايدا بولۋى ونەركاسىپتىڭ دامۋىنا سەرپىن بەرەدى جانە مەگاپوليستەگى ەكولوگيالىق جاعدايدى جاقسارتادى.

“The Qazaq Times”