مىسىر پيراميدالارى قالاي سالىنعانى جايىندا جازىلعان كونە پاپيرۋس تابىلدى

ارحەولوگتار مىسىر پيراميدالارى قالاي سالىنعانى جايىندا جازىلعان كونە پاپيرۋس تاپتى - دەپ حابارلايدى Daily Mail گازەتى.

باسىلىم مالىمەتىنشە، كونە پاپيرۋستى امەريكالىق مارك لەنەر باستاعان ارحەولوگتار توبى تاپقان. پاپيرۋستا ەجەلگى مىسىرلىقتار 2, 5 توننالىق تاستاردى 800 شاقىرىم جەردەن قالاي تاسىعاندىقتارى جايىندا جازىلعان. پاپيرۋستى ءوز كەزىندە حەوپس پيراميداسىن سالۋ جۇمىستارىنىڭ ءبىر بولىگىن باسقارعان مارەت ەسىمدى ادام جازعان. مارك لەنەردىڭ ايتۋىنشا، پاپيرۋستا ەجەلگى مىسىر حالقىنىڭ بىرنەشە توننالىق تاستاردى ءنىل وزەنىمەن اعاش قايىقتار ارقىلى ارنايى قازىلعان سۋ كانالدار ارقىلى، قازىرگى حەوپس پيراميداسى اۋماعىنا دەيىن الىپ كەلگەنى جايىندا جازىلعان.

گيزا پيراميدالار توپتاماسىنا كىرەتىن حەوپس، حەفرەن، ميكەرين پيراميدالارى وسىدان 4,5 مىڭ جىل بۇرىن سالىنعان. ونىڭ قالاي سالىنعانى جايىندا وسىعان دەيىن ءتۇرلى بولجامدار جاسالعان بولاتىن. بىراق ونىڭ بارلىعى قانداي دا ءبىر دەلەلسىز ايتىلىپ كەلگەن ەدى.

“The Qazaq Times”