2017 جىلعى 1 قىركۇيەكتەگى جاعداي بويىنشا زەينەتاقى جيناقتارىنىڭ جالپى سوماسى 7,43 ترلن تەڭگە بولدى. جىل باسىنان بەرگى ءوسىم 741 ملرد تەڭگەنى (11%) قۇرادى، دەپ حابارلايدى قوردىڭ ءباسپاسوز قىزمەتى.
"2017 جىلعى 1 قىركۇيەكتەگى جاعداي بويىنشا شارتتاردىڭ بارلىق تۇرلەرى بويىنشا سالىمشىلاردىڭ (الۋشىلاردىڭ) جەكە زەينەتاقى شوتتارىنىڭ (جزش) سانى 10,1 ملن بىرلىك، ونىڭ ىشىندە مىندەتتى زەينەتاقى جارنالارى (مزج) ەسەبىنەن 9,63 ملن بىرلىك بولدى", - دەلىنگەن ءباسپاسوز حابارلاماسىندا.
مىندەتتى كاسىپتىك زەينەتاقى جارنالارى (مكزج) بويىنشا سالىمشىلاردىڭ جزش سانى 432 مىڭ بىرلىكتى، ال ەرىكتى زەينەتاقى جارنالارى (ەزج) بويىنشا شامامەن 40 مىڭ بىرلىكتى قۇرادى.
2017 جىلدىڭ باسىنان بەرى سالىمشىلاردىڭ جەكە زەينەتاقى شوتتارىنا ەسەپتەلگەن تازا ينۆەستيتسيالىق تابىس سوماسى 398,57 ملرد تەڭگە بولدى. اعىمداعى جىلدىڭ 1 قىركۇيەگىندەگى جاعداي بويىنشا بجزق زەينەتاقى اكتيۆتەرىنىڭ تابىسى جىل باسىنان بەرى 5,78 پايىزدى قۇرادى. بۇل ينفلياتسيا دەڭگەيىنەن 1,9 پايىزعا جوعارى (ينفلياتسيا 3,9% بولدى).
2017 جىلدىڭ باسىنان بەرى، ياعني 1 قاڭتار مەن 31 تامىز ارالىعىندا بجزق-دان تولەنگەن زەينەتاقى تولەمدەرىنىڭ سوماسى 148,57 ملرد تەڭگە، ونىڭ ىشىندە ساقتاندىرۋ ۇيىمدارىنا جاسالعان اۋدارىمدار - 17,58 ملرد تەڭگە بولدى.
وتكەن جىلدىڭ سايكەس كەزەڭىندە زەينەتاقى قورىنان 118,54 ملرد تەڭگە تولەنگەن، ونىڭ ىشىندە ساقتاندىرۋ ۇيىمدارىنا جاسالعان اۋدارىمدار - 12,51 ملرد تەڭگەنى قۇراعان.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى