استانا اۋەجايى كولىك تۇراعىنداعى تاريفتەردى تومەندەتەتىن بولدى

استانا اۋەجايىندا كولىك تۇراعىن باسقارۋدىڭ قارجى مودەلدەرى قاراستىرىلدى. ەندى 1 قازاننان باستاپ  P-1, P-3, P-5, P-6 جانە P-7 كولىك تۇراقتارى جاڭا ەرەجە بويىنشا جۇمىس ىستەيدى. بۇل تۋرالى «استانا LRT» كومپانياسىنىڭ ءباسپاسوز قىزمەتى حابارلادى.

"قازىرگى كەزدە ءبىز استانا قالاسىنداعى حالىقارالىق اۋەجايداعى قولدانىستاعى تاريفتەرگە اناليز جۇرگىزىپ، اۋەجاي باسشىلىعىمەن بىرگە ر-1 پاركينگ الاڭىنداعى تاريفتەردى تومەندەتۋ كەلىسىمىنە قول جەتكىزدىك جانە تۇراق پاركىن باسقارۋدى تۇبەگەيلى وزگەرتۋدى ەنگىزبەكپىز. ەندى ر-1 پاركينگ الاڭىندا تەك قىسقا مەرزىمگە عانا ەمەس، ۇزاق مەرزىمگە ايالداۋعا بولادى، سوندىقتان 1 قازاننان باستاپ جاڭا تومەندەتىلگەن تاريفتەر قولدانىلادى", - دەلىنگەن ءباسپاسوز حابارلاماسىندا.

سونىمەن جاڭا ەرەجە بويىنشا P-1 تۇراعىندا تولەم جاساۋ تومەندەگىدەي بولادى:

— العاشقى 30 مينۋت تەگىن. تۇراققا كولىكتى قويۋ كەزىندە ونىڭ مەملەكەتتىك ءنومىرى ارنايى كامەراعا جازىلادى. وندا كولىكتىڭ تۇراققا قانشا رەت كەلگەنى  جانە كەلگەن ۋاقىتى تۋرالى اقپارات ساقتالادى. ەگەر كولىك يەسى 25 مينۋت تۇرىپ، 10 مينۋتتان كەيىن قايتا اينالىپ كەلەتىن بولسا كەلەسى مينيۋتتار بويىنشا تولەم جاسالادى. ر-1 تۇراق ايماعىنا قانشا رەت كەلگەنى تۋرالى اقپارات ءبىر تاۋلىكتەن كەيىن جويىلادى.

— 30 مينۋت پەن 1 ساعات ارالىعى - 300 تەڭگە;

— 1 ساعاتتان 2 ساعاتقا دەيىن تۇرۋ - 400 تەڭگە. ءتىپتى P-1 تۇراعىندا 1 ساعات 5 مينۋت تۇرعان جاعدايدا دا 400 تەڭگە تولەنەدى;

— 2 ساعاتتان 3 ساعاتقا دەيىن - 600 تەڭگە. 2 ساعات 5 مينۋت تۇرۋ دا - 600 تەڭگە;

— 3 ساعاتتان 24 ساعاتقا دەيىن - 2500 تەڭگە. كولىك تۇراقتا 4 ساعاتتان اسا تۇراتىن بولسا دا ءبىر تاۋلىككە بەلگىلەنگەن تاريف تولەنەدى;

— اربىر تاۋلىك — 2500 تەڭگە.

ال P-3 تەگىن كولىك تۇراعى قايتا جوندەۋ جۇمىستارى ءۇشىن جابىلادى جانە جوندەۋ جۇمىستارى اياقتالعان سوڭ ول قىزمەتتىك كولىك تۇراعىنا اينالادى.

قالا قوناقتارى مەن تۇرعىندارىنا ارنالعان تەگىن پاركينگ  P-5, P-6 جانە P-7 كولىك تۇراعى ايماعىنا اۋىستىرىلادى.

ايتا كەتەيىك، سوڭعى كەزدە استاناداعى اۋەجاي تۇراعىنا قاتىستى داۋلار جيىلەپ كەتكەن. داۋدىڭ باستى سەبەبى - كولىك تۇراعىنداعى تاريفتەردىڭ تىم قىمبات بولۋى.

“The Qazaq Times”