گەرمانيادا پارلامەنت سايلاۋى باستالدى. بۇگىن تاڭعى 8-00 مەن كەشكى 18-00 ارالىعىندا گەرمانياداعى كامەلەتتىك جاسقا تولعان 61,5 ملن ادام الداعى ءتورت جىل بويى بۋندەستاگتا (گەرمانيانىڭ ۇلتتىق پارلامەنتى) وتىراتىن پارتيالار مەن مەملەكەتتىڭ باس كانتسلەرىن تاڭدايدى. بۇل تۋرالى ۆۆس اقپاراتتىق اگەنتتىگى جازدى.
گەرمانيانىڭ ۇكىمەت باسشىسى لاۋازىمىنا نەگىزگى تارتىس 2005 جىلدان بەرى وسىعان دەيىن ءۇش مەرزىم قاتارىنان كانتسلەر بولعان، حريستيان دەموكراتيالىق پارتياسىنىڭ مۇشەسى انگەلا مەركەل مەن سوتسيال-دەموكراتتار پارتياسىنىڭ وكىلى مارتين شۋلزدىڭ اراسىندا بولادى. انگەلا مەركەلدىڭ ءتورتىنشى رەت قايتا جەڭىسكە جەتەتىنىنە دەگەن سەنىم باسىم بولعانىمەن، 2015 جىلى ونىڭ ەۋرووداق ەلدەرىنىڭ شەكاراسىن بوسقىندارعا اشۋ تۋرالى شەشىمى جەرگىلىكتى حالىقتىڭ نارازىلىعىن تۋدىرىپ، ساياسي بەدەلىنە نۇقسان كەلتىرگەنى جاسىرىن ەمەس.
مارتين شۋلز سايلاۋالدى كامپانياسىندا انگەلا مەركەلدىڭ ساياساتىن قاتاڭ سىناعان ەڭ باستى قارسىلاستاردىڭ ءبىرى. بۇرىن ەۋروپارلامەنتتى باسقارعان ازاماتتان ءۇمىت كۇتەتىندەر دە از ەمەس.
جوعارىدا اتالعان ەكى كانديداتتان بولەك، يسلامعا قارسى گەرمانيا التەرناتيۆاسى (anti-Islam Alternative for Germany) پارتياسى ۇسىنعان اليسا ۆەيدەل مەن الەكساندر گاۋلاند بار.
سايلاۋعا گەرمانيا كانتسلەرى بولۋعا ۇمىتكەر ءتورت ازاماتتىڭ بۋندەستاگتاعى جوعارى ۇلەس سالماققا يە پارتيالارىنان بولەك، سولشىلدار (Die Linke (the Left)), جاسىلدار (the Greens), ەركىن دەموكراتتار (the Free Democrats (FDP)) قاتىسادى.
رەديدەنتسيا سوتى. سەرىك كەكىلباەۆ: مەنىڭ ارەكەتتەرىمدە قىلمىستىڭ قۇرامى جوق
كارانەەۆ: تاعىلعان ايىپتىڭ ەشقايسىسىن مويىندامايمىن
رەزيدەنتسيا ىسىندەگى سۋديا مەن بەلسەندىنىڭ ايتىسى
9 ايدىڭ ىشىندە الماتى مەن جەتىسۋ وبلىستارىندا قۇرىلىسى اياقتالعان جولداردان 481 اقاۋ انىقتالعان
وتانعا ورالعان قانداس بەيىمدەلۋى نەمەسە قانداستار مەن قازاقستانداعى ميگرانتتاردى اقپاراتتىق قولداۋ جانە الەۋمەتتىك بەيىمدەۋدىڭ مەديا-ستراتەگياسى
تارازداعى قاندى قاڭتار: پروكۋرور قاڭتارشىلارعا بەرىلگەن جازانى قاتاڭداتۋدى سۇرادى