اقش پەن رەسەي شيەلەنىسكەن قارىم-قاتىناسىن رەتتەۋگە تىرىسىپ جاتىر

رەسەي سىرتقى ىستەر ءمينيسترىنىڭ ورىنباسارى سەرگەي ريابكوۆ پەن اقش مەملەكەتتىك حاتشىسىنىڭ ورىنباسارى توماس شەننون فينليانديا استاناسى حەلسينكيدە 11-12 قىركۇيەك كۇندەرى كەزدەسۋ وتكىزىپ، ەكى ەل اراسىنداعى «ديپلوماتيا سوعىسىن» بارىنشا باسەڭدەتۋگە تىرىسىپ باقتى. بۇل تۋرالى «شينحۋا» اگەنتتىگى سايتىندا جازدى.

رەسەيلىك «سپۋتنيك» اقپارات اگەنتتىگى 11 قىركۇيەك كۇنگى حابارىندا «تاراپتار ءبىر-ءبىرىنىڭ كونسۋلدىقتارىنا قاتىستى شەكتەۋلەردى ءوز ىشىنە العان ەكىجاقتى قارىم-قاتىناس ماسەلەلەرىن تالقىلادى» دەپ حابارلاعان بولاتىن. سەرگەي ريابكوۆ: «ەگەر اقش-تا رەسەي ديپلوماتتارىنىڭ قىزمەتى شەكتەلسە، ءوزارا قارىم-قاتىناستا رەسەي دە امەريكالىق ديپلوماتتارعا بىردەي شەكتەۋلەر ەنگىزەدى»، – دەگەن پىكىردە.

سول كۇنى رەسەي سىرتقى ىستەر مينيسترلىگى اقش-تىڭ رەسەيدەگى ديپلوماتتارىن ەمدەۋ قىزمەتتەرى دە، اقش-تاعى رەسەيلىك قىزمەتكەرلەردىڭ ەمدەۋىنە نەگىزدەلەتىنىن مالىمدەگەن ەدى. بۇل جولعى كەزدەسۋ كەزىندە ەكى جاقتى قاتىناستاردىڭ ستراتەگيالىق تۇراقتىلىعىن دا تالقىلادى. بۇل بىرنەشە تارماقتى قامتيدى، ايتالىق: يادرولىق قارۋمەن قورقىتۋ ماسەلەسىندە، عارىشتىق تەحنولوگيالاردان تارتىپ زىمىران قورعانىس جۇيەلەرى ماسەلەسى دە تالقىلاۋعا ءتۇستى.

اقش ABC ارناسىنىڭ حابارىنا قاراعاندا، جاقىندا اقش پەن رەسەي اعىمداعى شيەلەنىستى جەڭىلدەتۋ ءۇشىن سىرتقى ىستەر مينيسترلەرىنىڭ كەزدەسۋىن وتكىزبەك ەكەن.

شىلدە ايىندا، اقش كونگرەسى رەسەي جانە وزگە ءۇش ەلگە قارسى سوڭعى سانكتسيالاردى قابىلدادى. بۇل قادامنىڭ جاۋابى رەتىندە رەسەي جاق 755 امەريكالىق ديپلوماتيالىق قىزمەتكەردى قىسقارتتى. كەيىن ەكى جاقتا ديپلوماتتاردى قىسقارتۋ ۇسىنىستارىن ورتاعا قويدى. قۇراما شتاتتار رەسەيلىك تاراپتان 2 قىركۇيەككە دەيىن سان-فرانتسيسكو باس كونسۋلدىعى مەن ۋاشينگتوندا جانە نيۋ-يوركتەگى ديپلوماتيالىق مەكەمەلەردىڭ بىرەۋىن جابۋدى سۇرادى. بۇل ەكى ەلدىڭ ديپلوماتيالىق قارىم-قاتىناسىنىڭ ەڭ ءبىر ناشارلاعان تۇسى دەۋگە بولادى. دەسە دە، سوڭعى كەزدەرى ەكى ەل سىرتقى ىستەر مينيسترلىكتەرى قارىم-قاتىناستى قايتا رەتكە سالۋعا تىرىسىپ وتىر.

“The Qazaq Times”