قوناقجاي ەلدەردىڭ ءتىزىمى: قازاقستان قاي ورىندا؟

Passport Index پورتالى الەمدەگى قوناقجاي ەلدەردىڭ ءتىزىمىن جاريالادى. تىزىمگە 199 ەل كىرگەنمەن، رەيتينگتەگى ورىن 103. ياعني كەيبىر ورىنعا بىرنەشە ەلدەن كەلگەن. 

رەيتينگ ناتيجەسى بويىنشا، قازاقستان 74 ورىندا. ال ەڭ قوناقجاي ەلدەردىڭ العاشقى وندىعىن كومور ارالدارى وداعى، كوت-د'يۆۋار، گۆينەيا-بيساۋ، ماداگاسكار، مالديۆ، ماۆريتانيا، ميكرونەزيا فەدەراتيۆتى شتاتى، موزامبيك، ساموا باستاپ تۇر. ودان كەيىنگى ورىندارعا سەيشەل، شىعىس تيمور، توگولەز رەسپۋبليكاسى، تۋۆالۋ جانە ۋگاندا جايعاسقان.

قازاقستان قوناقجاي ەلدەر تىزىمىندە 74 ورىندا.

كەڭەس كەزىندەگى ەلدەردىڭ ىشىندە ارمەنيا 29 ورىندا بولسا، ۋكراينا - 49, گرۋزيا – 51, قىرعىزستان 60 ورىندى يەلەنىپ، قازاقستاننان بۇرىن تۇر. رەسەي - 83, وزبەكستان – 96, ازەربايجان – 97 ورىندا.

ال مۇلدە قوناقجاي ەمەس ەلدەردىڭ تىزىمىندە اۋعانستان، سولتۇستىك كورەيا، سومالي، ءسۇريا جانە تۇركىمەنستان ەلدەرى تۇر.

ايتا كەتەيىك، Passport Index رەيتينگى ەلدەردىڭ ۆيزا بەرۋ تارتىبىنە جانە قانشا ەلدىڭ ازاماتتارى مەملەكەتكە ۆيزاسىز كەلە الاتىنىنا نەمەسە ەلدىڭ شەتەلدىكتەردىڭ كەلۋى ءۇشىن بەرىلەتىن ەلەكتروندى رۇقساتىنا بايلانىستى جاسالادى.

“The Qazaq Times”