تۇرسىنبەك كاكىشەۆتىڭ 90 جىلدىعىنا وراي شاعىن فۋتبولدان حالىقارالىق تۋرنير وتەدى

2017 جىلدىڭ 21-22 قازانىندا فيلولوگيا عىلىمدارىنىڭ دوكتورى، پروفەسسور تۇرسىنبەك كاكىشەۆتىڭ 90 جىلدىعىنا وراي «ەر جانىبەك» حالىقارالىق قوعامدىق قورىنىڭ ۇيىمداستىرۋىمەن ءال-فارابي اتىنداعى قازۇۋ-دىڭ سپورت كەشەنىندە دۇنيە ءجۇزى قازاق جاستارى اراسىندا شاعىن فۋتبولدان ءداستۇرلى «ER JANIBEK CUP» حالىقارالىق ءتۋرنيرى وتەدى.

وسىعان وراي، بار ءومىرىن قازاق ادەبيەتى سىنىن زەرتتەۋ مەن الاش ارىستارىن جوقتاۋعا ارناعان بىلگىر عالىم، ۇلاعاتتى ۇستاز تۇرسىنبەك كاكىشەۆتىڭ 90 جىلدىعىندا شاعىن فۋتبولدان تۋرنير ۇيىمداستىرۋداعى ماقساتىمىز – دۇنيەنىڭ ءتورت بۇرىشىندا جۇرگەن قازاق جاستارىنىڭ ءوزارا جاقىن قارىم-قاتىناس ورناتۋىنا ۇلەس قوسۋ جانە ولاردىڭ تۋعان وتانى قازاقستانعا دەگەن سۇيىسپەنشىلىگىن ەسەلەي ءتۇسۋ.

جۇلدە قورى 2 ملن تەڭگە بولاتىن تۋرنيرگە فرانتسيا، گەرمانيا، تۇركيا، يران، رەسەي، مونعوليا، قىتاي جانە وزبەكستاندا تۇراتىن قانداستارىمىز جانە ەلىمىزدىڭ ءار وبلىسىنان قازاق جاستارى قاتىسادى.

تۋرنير ەرەجەسىن وسى سىلتەمەدەن كورە الاسىز.

“The Qazaq Times”