امەريكا قۇراما شتاتىندا پرەزيدەنت ترامپتىڭ وكىلەتتىلىگىنە ءبىر جىل تولماي جاتىپ، كەلەسى پرەزيدەنت سايلاۋىنا دايىندىق جۇمىستارى باستالىپ كەتتى. جاقىندا اقش-تىڭ بۇرىنعى پرەزيدەنتى بيلل كلينتوننىڭ ساۋالناما جونىندەگى ساراپشىسى دۋگلاس شوەن پىكىر ءبىلدىرىپ، "بۇرىنعى «ءبىرىنشى حانىم» ميشەل وبامانىڭ دەموكراتيالىق پارتيا اتىنان 2020 جىلعى جالپىعا بىردەي سايلاۋعا قاتىسۋعا قۇقىعى بار" ەكەنىن ايتتى. ول سونداي-اق، قۇراما شتاتتا دەموكراتتاردىڭ اق ۇيگە دەگەن ۇمتىلىسى جەتكىلىكتى ەمەس ەكەنىن «Capitol Hill» باعانىندا جازعان بولاتىن. بۇل تۋرالى «شينحۋانىڭ» رەسمي سايتى جازدى.

شوەننىڭ پىكىرىنشە، ترامپپەن پرەزيدەنتتىككە باسەكەلەستىك كەزىندە، وزگە دەموكراتتارعا قاراعاندا ميشەل حانىم بولاشاق كوشباسشىعا ەڭ لايىقتى تۇلعا. «Gallup» ساۋالناماسىنىڭ دەرەكتەرى بويىنشا وسى جىلدىڭ قاڭتارىندا، ميشەلدىڭ اق ۇيدەن قولداۋ كورسەتكىشى 68% بولعان. ال، سول كەزدە ۆيتسە-پرەزيدەنت جو بايدەننىڭ كورسەتكىشى 61 پايىز، پرەزيدەنت باراك وبامانىڭ كورسەتكىشى 58 پايىز عانا بولىپ ەدى. "حيللاري كلينتون ءبىرىنشى حانىم بولىپ تۇرعان ۋاقىتىندا اق ۇيدەن 56 پايىز قولداۋ العان ەدى، وسىلارعا قاراپ ميشەل وبامانىڭ كەلەسى سايلاۋدا پرەزيدەنتى ترامپقا باستى قارسىلاس بولاتىنىن بولجاۋعا بولادى", - دەيدى دۋگلاس شوەن.

شوەننىڭ سوزىنە سەنەر بولساق، دەموكراتتار سايلاۋ كەزىندە رەسپۋبليكاشىل توپقا قاراعاندا كوپتەگەن كەدەرگىلەرگە تاپ بولادى. ەڭ ۇلكەن قاتەرلەردىڭ ءبىرى – پارتيا ىشىندەگى ايتارلىقتاي ايىرماشىلىقتار. قازىر قۇراما شتاتتىڭ قارسى پارتياسى اراسىندا 2020 جىلعى سايلاۋعا دايىندىق جۇمىستارى باستالىپ كەتتى.

دۋگلاس شوەن: «دەموكراتتارعا جاڭا كوشباسشىلار قاجەت ەمەس. كەرىسىنشە، ءبىزدىڭ ەكونوميكامىزدى دامىتۋعا باعىتتالعان جانە ءداستۇرلى ساياسي پارتيالاردىڭ قۇندىلىعىن ارتتىرۋعا باعىتتالعان جاڭا ساياسي كۇن ءتارتىبى قاجەت»، – دەگەن پىكىر ءبىلدىردى. دەموكراتيالىق پارتيانىڭ باستى قىزمەتكەرىنىڭ ءبىرى مارك راسري «The New York Times» باسىلىمىندا: «ءبىر عانا ترامپقا قارسى تۇرۋ ءۇشىن ەمەس، دەموكراتتار وزدەرى قالاعان نارسەلەر تۋرالى ناقتى سيگنال بەرۋى كەرەك»، – دەگەن پىكىرىن ءبىلدىردى.

“The Qazaq Times”