وڭتۇستىك قازاقستاندا اۋىل تۇرعىندارىنا كاسىبي ءبىلىم بەرىلمەك

وڭتۇستىك قازاقستان وبلىسىندا وسى جىلى 53,7 مىڭ جاڭا جۇمىس ورىندارى اشىلىپ، ونىڭ ىشىندە 38413 -ءى تۇراقتى جۇمىس ورنى بولعان. بۇل تۋرالى وڭتۇستىك قازاقستان وبلىسىنىڭ ءباسپاسوز قىزمەتى حابارلادى. 

وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى م.وتارشيەۆتىڭ ايتۋىنشا، ماماندار تاپشىلىعىن رەتتەۋ ماقساتىندا «ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان» باعدارلاماسىنىڭ ءبىرىنشى باعىتى شەڭبەرىندە وڭىردە 4 584 ادام تەحنيكا جانە كاسىبي ءبىلىم الىپ جاتسا، قىسقا مەرزىمدى كاسىپتىك وقۋعا 89 ماماندىق بويىنشاي 9682 ادام  جىبەرىلدى.

ال وقو اكىمى جانسەيىت تۇيمەباەۆ باسقارما باسشىسىنا 15 ماماندىق بويىنشا اۋىل تۇرعىندارىن وقىتىپ، كاسىپكە بەيىمدەۋدى ايتتى. اكىمنىڭ سوزىنشە، 15 ماماندىق بويىنشا، ياعني، توكار، تەمىر ۇستاسى، اعاش ۇستاسى، ەلەكترشى، سانتەحنيك، شاشتاراز سىندى ماماندىقتارعا بەيىم ازاماتتاردى اۋىل اكىمدەرى تاۋىپ بەرۋى كەرەك. 

“The Qazaq Times”