رەسەي پرەزيدەنتى ۆلاديمير پۋتين رەسەيدە تۇراتىن اقش ديپلوماتيالىق قىزمەتكەرلەرىن قىسقارتاتىنىن راستادى. ەكى ەل ارا قاتىناسى بۇگىندە تاريحتاعى ەڭ ءبىر سالقىن تۇسىندا تۇر. اقش رەسەيگە باعىتتالعان جاڭا سانكتسيانى بەكىتكەننەن كەيىن، وعان قارسى جاۋاپ رەتىندە رەسەي ەل ىشىندەگى اقش ديپلوماتيالىق قىزمەتكەرلەرىن قىسقارتۋدى بەلگىلەدى. ءارى ەلدىڭ پرەزيدەنتى بۇل تۋرالى مەملەكەتتىك رەسمي تەلەارنادا راستادى. بۇل تۋرالى بي-بي-سي-ءدىڭ رەسمي سايتى جازدى.

پۋتين تەلەارناداعى سۇحباتىندا: «رەسەي فەدەراتسياسىندا مىڭنان استام امەريكالىق ديپلوماتيا جانە جاڭا تەحنيكالىق قىزمەتكەرلەر جۇمىس اتقارۋدا. ولاردىڭ 755 قىزمەتكەرىن قىسقارتۋ كەرەك. بۇل ديپلوماتيالىق اسا سەزىمتال ماسەلە»، – دەدى.

قىسقارتىلاتىن امەريكالىقتار اراسىندا ديپلوماتيا قىزمەتكەرلەرىمەن قوسا، تەحنيكالىق قىزمەتكەرلەر دە بار. قازىر رەسەيدىڭ جولداعان تالاپتارىن اقش بيلىگى تالقىلاپ جاتىر. بىراق وسىعان دەيىن كەلىسىم بەرمەدى. ماسكەۋدىڭ تالابى بويىنشا 755 امەريكالىقتى قىسقارتىپ، 455 قىزمەتكەردى قالدىرماق. سول ارقىلى رەسەيدەگى اقش ديپلوماتيالىق قىزمەتكەرىن، اقش-تا تۇراتىن رەسەيلىك قىزمەتكەرلەر سانىمەن بىردەي ەتپەك.

بۇل تۋرالى پىكىر بىلدىرگەن اقش ۆيتسە-پرەزيدەنتى مايكل پەنس: «ءبىز رەسەي جاقتىڭ ءوز مامىلەلەرىن وزگەرتۋىنەن ءۇمىت ەتەمىز»، – دەدى.

“The Qazaq Times”