قازاقتىڭ جاڭا ءالىپبيى وسى جىلدىڭ سوڭىندا دايىن بولادى دەپ مالىمدەدى ءبىلىم جانە عىلىم ءمينيسترى ەرلان ساعاديەۆ.

«بيىل ءبىز بارلىعىنا ىڭعايلى بولاتىن ءالىپبيدى جاساپ شىعۋعا ءتيىسپىز. ول ءۇشىن بىزگە لاتىن الىپبيىنە ءوتۋدىڭ بىرنەشە ۇلگىسىن جاساپ، ولاردى تالقىلاۋدان وتكىزگەننەن كەيىن لاتىن الىپبيىنە ءوتۋدىڭ جوسپارىن قۇرۋ كەرەك. قازىرگى تاڭدا وسى باعىتتا جۇمىس ىستەيتىن ارنايى كوميسسيا قۇرىلعان. ول ءوز جۇمىسىن باستاپتا كەتتى» - دەدى جۋرناليستەرمەن وتكەن ءباسپاسوز ءماسليحاتىندا ەرلان ساعاديەۆ.

ەستەرىڭىزگە سالايىق، بۇعان دەيىن ماۋسىم ايىندا استانادا وتكەن دۇنيەجۇزى قازاقتارى قۇرىلتايىندا نۇرسۇلتان نازارباەۆ لاتىن الىپبيىنە كوشۋدى جىلدامداتۋ كەرەكتىگىن ايتقان بولاتىن.

“The Qazaq Times”