اتىراۋ وبلىسىنىڭ يندەر، ماحامبەت جانە قىزىلقوعا اۋداندارىندا ەگىستىك القاپتارىن شەگىرتكە جايلادى. زيانكەستەرگە قارسى كۇرەس ناتيجەسىز اياقتالعاندىقتان، ەگىنشىلەر ەگۋ جۇمىستارىن قايتا جۇرگىزۋگە ءماجبۇر بولىپ وتىر.
يندەر اۋدانىنداعى "تولەس" شارۋا قوجالىعىنىڭ ءۇش گەكتارعا جۋىق كوكونىس القابىنا شەگىرتكەلەر قىرعيداي ءتيىپ، وراسان شىعىن كەلتىرگەن. سۋارۋ جۇمىستارىنان سوڭ ەندى بوي كورسەتە باستاعان داقىلداردى تۇگەلدەي جەپ كەتكەن شەگىرتكەلەردىڭ شابۋىلىنان كەيىن 1,5 گا جەر جارامسىز بولىپ قالدى. ماحامبەت اۋدانى ديقانشىلارىن ابىگەرگە سالعان ساياق شەگىرتكەلەر اسا قاۋىپتى زيانكەسكە جاتپاعاندىقتان، ونى ۋلاۋعا بيۋدجەتتەن قارجى قاراستىرىلماعان. ءوز قالتاسىنان شىعىندانعان شارۋانىڭ ءبىرى قوبىلان سەيىتوۆ: "20 ليتر ۋعا 100 مىڭ تەڭگە قارجى كەتتى، بىراق شەگىرتكە ءالى بار. ەگىن پىسپەي جاتىپ، شىعىنعا شاش-ەتەكتەن باتىپ جاتىرمىز", - دەيدى.
يتالياندىق پرۋس شەگىرتكەسى جايلاعان قىزىلقوعا اۋدانىندا زيانكەستەردىڭ كەسىرىنەن 11 مىڭ گا جەر بۇلىنگەن. بۇل تۋرالى قىزىلقوعا اۋدانى اكىمىنىڭ ورىنباسارى جانىبەك تۇرداعاليەۆ: "شەگىرتكەلەر بىزگە كورشىلەس باتىس قازاقستان وبلىسىنان كەلدى. ەندى ولار ويىل وكرۋگىندەگى "جاس قايرات" جشس-نە تيەسىلى ارپا ەگىلگەن 175 گا اۋماقتى جايلاي باستادى. قازىر ەگىستىكتى ساقتاپ قالۋ ماقساتىندا جەرگە ۋ شاشۋ جۇمىستارى جۇرگىزىلۋدە", - دەپ مالىمدەدى.
رەديدەنتسيا سوتى. سەرىك كەكىلباەۆ: مەنىڭ ارەكەتتەرىمدە قىلمىستىڭ قۇرامى جوق
كارانەەۆ: تاعىلعان ايىپتىڭ ەشقايسىسىن مويىندامايمىن
رەزيدەنتسيا ىسىندەگى سۋديا مەن بەلسەندىنىڭ ايتىسى
9 ايدىڭ ىشىندە الماتى مەن جەتىسۋ وبلىستارىندا قۇرىلىسى اياقتالعان جولداردان 481 اقاۋ انىقتالعان
وتانعا ورالعان قانداس بەيىمدەلۋى نەمەسە قانداستار مەن قازاقستانداعى ميگرانتتاردى اقپاراتتىق قولداۋ جانە الەۋمەتتىك بەيىمدەۋدىڭ مەديا-ستراتەگياسى
تارازداعى قاندى قاڭتار: پروكۋرور قاڭتارشىلارعا بەرىلگەن جازانى قاتاڭداتۋدى سۇرادى