قازاقستانعا شەتەلدەن اۋدارىلاتىن اقشا اۋدارىمدارى ارتىپ جاتىر. مىسالى وسى جىلدىڭ قاڭتار-ناۋرىز ايىندا ترانزاكتسيا سانى 311,6 مىڭدى قۇراعان. وتكەن جىلدىڭ وسى كەزەڭىمەن سالىستىرعاندا كورسەتكىش 19,8%-عا نەمەسە 51,6 مىڭعا ارتىق، دەپ مالىمەت كەلتىرەدى Ranking.kz.
العاشقى ءتورت ايدا قازاقستانعا اۋدارىلعان اقشا اۋدارىمدارى 56,2 ملرد تەڭگەنى قۇراعان جانە بۇل وتكەن جىلعا قاراعاندا 26,9%-عا نەمەسە 11,9 ملرد تەڭگەگە ارتىق. وسىلايشا، ءبىر ترانزاكتسيا ءۇشىن اۋدارىلعان قارجىنىڭ ورتاشا سوماسى 5,9%-عا ءوسىپ، 180,5 مىڭ تەڭگە بولعان.
سونداي-اق، شەتەلدەن قازاقستانعا زولوتايا كورونا جانە Western Union جۇيەسى ارقىلى ءجيى اقشا اۋدارىلعان. نارىقتاعى ۇلەسى 65,9%-دى قۇرايدى.
زولوتايا كورونا جۇيەسى ارقىلى اۋدارىلعان اۋدارىمدار 24,6 ملرد تەڭگەنى قۇرادى جانە ءبىر جىل ىشىندە 24,7%-عا نەمەسە 4,9 ملرد تەڭگەگە ارتقان.
ال Western Union جۇيەسىندەگى اۋدارىمدار ۇلەسى 12,5 ملرد تەڭگە جانە وتكەن جىلمەن سالىستىرعاندا 27,6% نەمەسە 2,7 ملرد تەڭگەگە جوعارى.
جالپى وسى جىلدىڭ ناۋرىزىندا شەتەلدەن قازاقستانعا 21,5 ملرد تەڭگە اۋدارىلعان. اقپان ايىمەن سالىستىرعاندا كورسەتكىش 19,6%-عا نەمەسە 3,5 ملرد تەڭگەگە جوعارى. ترانزاكتسيا سانى ءبىر ايدا 20,1%-عا نەمەسە (19,9 مىڭ ), 118,7 مىڭعا دەيىن ارتتى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى