اقش-تىڭ جەرگىلىكتى ۋاقىتىمەن سارسەنبى كۇنى كەشتە (استانا ۋاقىتىمەن بەيسەنبى تۇستەن بۇرىن)اقش پرەزيدەنتى دونالد ترامپ ءوزىنىڭ Twitter پاراقشاسىندا بەيسەنبى كۇنى تۇستەن كەيىن «پاريج كەلىسىمى» تۋرالى شەشىمىن جاريالايتىنىن ايتتى. بۇل تۋرالى تانىمال "The Wall Street Journal" باسىلىمى حابارلاپ وتىر.

اقۇيدىڭ راۋشان گۇل باقشاسىندا ول اقش ۇكىمەتىنىڭ كليمات وزگەرىسىنە قاتىستى «پاريج كەلىسىمىن» ساقتايتىن نەمەسە ساقتامايتىنى تۋرالى شەشىمدى جاريا ەتپەك. اقش-تاعى باق-تىڭ حابارلاۋىنشا، ترامپ اتالمىش كەلىسىمنەن باس تارتۋعا بەيىم تۇر. بۇل تۇرالى ترامپ سايلاۋدان بۇرىنعى ۋادەلەرىندە دە ايتقان ەدى. الايدا بۇنىسى اقۇيدىڭ بىرقاتار ۇستانىمدارىنا قايشى كەلگەلى تۇر.

2015 جىلعى 190 مەملەكەت قول قويعان  كليماتتىڭ وزگەرىسىنە بايلانىستى «پاريج كەلىسىمى» بويىنشا، الداعى ون جىل ىشىندە پارنيكتىك گازداردىڭ شىعارىندىلارىن ازايتۋعا ءتيىس بولعان. قازىرگى كەزدە تەك ءسۇريا مەن نيكاراگۋا ەلى عانا كەلىسىم بەرگەن جوق.

ال، كەلىسىمگە قول قويعان ۋاقىتتا سول كەزدەگى اقش ۇكىمەتى 2025 جىلى پارنيكتىك گازداردىڭ شىعارىندىلارىن 2005 جىلمەن سالىستىرعاندا 26% -28%-عا ازايتۋعا ۋادە بەرگەن بولاتىن. الايدا، ترامپ بيلىككە كەلگەننەن كەيىن، ءوزىنىڭ اتالمىش «امەريكا ءبىرىنشى» ۇرانىمەن ەكونوميكاعا سەرپىن بەرۋ ءۇشىن، ءوندىرىستى دامىتا تۇسكىسى كەلەدى. سوندىقتان وبامانىڭ امەريكا قۇراما شتاتى اتىنان بەرگەن ۋادەسىنەن تايىپ كەتكەلى وتىر.

“The Qazaq Times”