قانات يسلام اقش-تىڭ بوكا راتون قالاسىندا مەكسيكالىق نوربەرتو گونسالەسپەن وتكەن جەكپە-جەكتە 24-ءشى رەت جەڭىسكە جەتتى.  وسىلايشا كاسىپقوي بوكسشى تورەشىلەردىڭ شەشىمى بويىنشا 24-ءشى رەت جەڭىمپاز اتاندى جانە WBO NABO جانە WBA Inter-Continental تيتۋلدارىن جەڭىپ الدى، دەپ حابارلايدى Vesti.kz.

اقش-تىڭ بوكا راتون قالاسىندا وتكەن جەكپە-جەكتىڭ ءبىرىنشى راۋندىندا قانات يسلام باسىمدىق كورسەتكەنمەن، گونسالەس قارىمتا سوققى جاساي باستاعان. ءتىپتى دەنەسىنە بىرنەشە سوققى دارىعان. بىراق قانات يسلام سەنىمدىلىك تانىتتى.

ال ءتورتىنشى راۋندتا قانات يسلام بىردەن بىرنەشە سوققى دارىتىپ، مەكسيكالىقتى السىرەتتى. قارسىلاسى قازاقستاندىقتىڭ سوققىسىنا ءالسىز جاۋاپ قايتارعان.  بەسىنشى راۋندتا گونسالەستىڭ قاباعى جارىلىپ، جاعدايى ناشارلادى.

وسىدان كەيىن قازاقستاندىق بوكسشى 12 راۋندتىڭ قورىتىندىسىمەن جەڭىمپاز اتاندى. ءبىر قىزىعى گونسالەس قانات يسلامنان ءتورت جاسقا ۇلكەن، ول كاسىپقوي بوكسقا بەس جىل بۇرىن كەلگەن. قانات يسلام 2012 جىلدىڭ قىركۇيەگىنەن باستاپ كاسىپقوي بوكسپەن اينالىسسا، گونسالەس 2007 جىلدان بەرى كاسىپقوي بوكستىڭ تىزگىنىن ۇستاپ كەلەدى.

ايتا كەتەيىك، بۇل قانات يسلامنىڭ 24-ءشى جەڭىسى، ونىڭ 19-ى مەرزىمىنەن بۇرىن اياقتالعان. ال نوربەرتو گونسالەس كاسىپقوي بوكستا 9-شى رەت جەڭىلىپ وتىر.

"The Qazaq Times"