Foto: Bigmir.net

Sauda ortalıqtarındağı qosımşa qauipsizdik şaraları men adamdar köp jinalatın orındar turalı Astana  äkimdiginde talqılandı. Jiın barısında Astanadağı sauda oyın-sauıq ortalıqtarındağı örtke qarsı qauipsizdik qalalıq äkimdiginiñ ünemi baqılauında ekendigi aytıldı, dep habarladı äkimdiktiñ baspasöz qızmeti. 

Astanadağı Tötenşe jağdaylar jönindegi departamenttiñ mälimetinşe, esepte täuekel deñgeyi joğarı nısanğa jatatın 117 sauda nısanı bar, onıñ 83-i sauda üyi, 9 - sauda oyın-sauıq ortalığı, 25-i bazar.

Mälimetke qarağanda 2017 jılı erekşe tärtippen 46 tekseru jürgizilgen. Tekseru barısında köşiru joldarınıñ jağdayı, jarıq beruşi  elektr jelileri men quat közderiniñ jay-küyi, örtti bayqaytın avtomattı jüyeniñ tüzetu jağdayı, işki jäne sırtqı örtke qarsı su jabdığı men eñ birinşi ört söndiru qwraldarınıñ dayın boluına basa män berilgen.

"9 OSO-nıñ 6-uı tekserildi. Üş ortalıqtan 32 ereje bwzuşılıq anıqtalğan. Äkimşilik jauapkerşilikke 3 adam tartılıp, ayıppwl salındı. 2 OSO-da audit jürgizildi, al 1 nısanğa  (Mega Silk Way Astana) tekseru osı jılı jasaladı", - delingen habarlamada.

Ayta keteyik, 25 naurız küni Reseydiñ Kemerovo qalasında "Zimnyaya vişnya" sauda-oyın-sauıq ortalığında şıqqan örtten 64 adam opat boldı, onıñ 50 payızı balalar. Derekterge qarağanda ört ğimarattıñ törtinşi qabatında, kinoteatr mañınan şıqqan. Al balalardıñ köpşiligi "Şerlok Gnoms" mul'tfil'min tamaşalauğa kelgen.

Osıdan soñ Qazaqstandağı oyın-sauıq ortalıqtarınıñ ört qauipsizdigine senbeuşilerdiñ sanı arttı. Alayda BAQ ökilderi resmi ökilderden ortalıqtardıñ qauipsizdige qatıstı naqtı aqparat ala almağan.

“The Qazaq Times”