AQŞ şeneunikteri Qwrama Ştat pen Resey arasındağı «aşıq äue keñistigi turalı şartqa» qarama-qayşı, Amerika äue keñistiginde wşatın reseylik äskeri wşaqtarğa şekteu qoyuğa dayındaluda. Bwl eki el arasındağı şielenistiñ eñ soñğı belgisi dep qaraluda. Bwl turalı «The Wall Street Journal» basılımı jazdı.

«Aşıq äue keñistigi turalı şart» qırği-qabaq soğısı kezinde eki el qol qoyğan qaru-jaraqtı baqılau, äskeri aşıqtıq jäne özara senim turalı birqatar kelisimderdiñ biri bolatın. Kelisimge qol qoyğan 34 el bir-biriniñ aşıq keñistigine qarusız wşaqtar arqılı kiruine, qaru-jaraqtardı, äskeri qimıldardı baqılauğa rwqsat beredi.

AQŞ pen Resey arasında şart boyınşa kelispeuşilik tamız ayında bolğan edi. Sol kezde bir qarusız reseylik äskeri wşaq AQŞ-tıñ aşıq keñistigine kirip, Uaşington men N'yu-York sekildi Qwrama Ştattıñ ülken qalalarınıñ keñistiginde şarlau jasağan bolatın. Alayda, AQŞ şeneunikteriniñ aytuınşa, bwl oqiğa AQŞ-tıñ Reseymen jasasqan bwl şartqa şekteu qoyuına bastı sebep emes körinedi.

Aq üy jaqtıñ pikirine qarağanda, Resey bastap «Aşıq äue keñistigi şartın» bwzğan. Sebebi atalğan el ükimeti Baltıq teñizindegi Kaliningrad äue keñistigi boyınşa äue şarlauın şektegen eken. AQŞ-tıñ resmi ökilderi bwl aymaqta Reseydiñ qaru-jaraq pen qwral-jabdıqtarın keñinen qoldanıp otırğanına senimdi ekenin jetkizdi.

AQŞ Memlekettik departamenti men Pentagon ökilderiniñ mälimetine qarağanda, AQŞ delegaciyası Venada ötetin «Aşıq keñistik şartı» boyınşa Konsul'tativtik komitettiñ otırısında eki jaqtı ötemaqı şaraların jariyalaudı josparlap otır. Atalğan komitet şartqa qatısqan barlıq elderdiñ lauazımdılarınan twradı.

Aq üy ökiliniñ biri «AQŞ jaq Reseydiñ atalğan şarttı qayta qarauın qalaydı. Qwrama Ştattıñ qoyğan şekteui Reseyge osınday mümkindikti beredi» degen pikirin bildirgen. Al, resmi twlğalardıñ habarlauınşa, amerikandıq lauazımdı twlğalar Alyaska men Gavayi äue keñistiginde wşatın reseylik äue kemelerine şekteulerdi qarastırıp otır eken.

Resey jaqtıñ taratqan mälimetinde Kanada, Gruziya, Türkiya jäne Qwrama Ştattar «Aşıq äue keñistigi turalı şart»  boyınşa öz elderindegi äue keñistigine özge eldiñ şarlauşı wşaqtarınıñ kiruin  şekteu jöninde şaralar qabıldadı delingen.

“The Qazaq Times”