Europanıñ birqatar memleketteri virustıñ aldın alu üşin vakcinaciyalauğa dayındıq bastadı.

Germaniya Densaulıq saqtau ministriniñ mälimdeuinşe, dertke qarsı ekpe egu jıl ayağına deyin bastaluı mümkin. Osı maqsatta el aumağında ekpe jasaytın 400 ortalıq qwrıladı.

Bilik ökilderi vakcina tegin bolatının jariyaladı. Onı satıp aluğa, jetkizuge jäne ortalıqtardı jabdıqtauğa barlıq şığın memleket tarapınan bölinedi. Eger kün sayın 100 mıñ ekpe jasalatın bolsa, 15 million adamğa vakcina egu üşin 5 ayday uaqıt ketedi.

Sarapşılardıñ pikirinşe, Germaniyada indettiñ taraluına tosqauıl qoyu üşin halıqtıñ 70%-ına vakcina egilui tiis. Alayda ekpe jasauğa eşkimdi mäjbürlemeydi. Saualnama nätijeleri körsetkendey nemisterdiñ 53%-ı vakcinağa qarsı emes.

Keşe Wlıbritaniya mälimetinşe, Wlıbritaniya amerikalıq Pfizer jäne BioNTech kompaniyalarınıñ koronavirusqa qarsı birlesip jasağan vakcinasına rwqsat berdi. Eldiñ Densaulıq saqtau ministri Mett Hankok halıqtı vakcinaciyalau kelesi aptada bastalatının jäne ekpeniñ 40 million dozasına tapsırıs berilgenin habarladı.

Italiyada ekpe tegin äri erikti salınatın boldı. Eldiñ Densaulıq saqtau minsitri Italiya biligi 202 mln doza satıp aludı josparlap otırğanın mälimdedi. Bwl 60 mln-nan astam adam twratın elge artığımen jetui tiis. Sonday-aq ministr Rojdestvo men Jaña jıldı atap ötu kezinde jüris-twrıstı şekteytin jaña erejeler äzirlenip jatqanın eskertti.

Mälimet

Pfizer – BioNTech vakcinası Därilik zattar men medicinalıq qwrılğılardı baqılau jönindegi basqarmasımen (MHRA) maqwldanğan. Europa komissiyasınıñ basşısı Ursula fon der Lyayenniñ aytuınşa, satıp alınadı dep josparlanğan 300 mln dozanıñ bağası – 4,6 mln euro.

Atalğan ekpelerden basqa, tağı birneşe kompaniya vakcinaların tirkeuge jäne önerkäsiptik öndiristi bastauğa dayındalıp jatır. Bwğan deyin älemde eki vakcina klinikalıq sınaqtıñ soñğı üşinşi fazasın ayaqtağan. Qazir basqa on ekpe sınaqtıñ soñğı kezeñinen ötkizilip jatır. Sınaqtan sätti ötip, koronavirustı emdeude 90%-dan artıq däldik körsetken vakcinalar qatarında Pfizer, BioNTech farmacevtikalıq kompaniyası jasağan ekpe jäne amerikalıq Moderna ekpesi bar.

"The Qazaq Times"